Törek matbuğatına küzätü 05.05.2020
5 nçe may könne basılıp çıqqan qayber törek gazetlarına küzätü
”Xörriyӓt” gazetı” Törkiyӓdӓ ğadӓti xӓlgӓ kire qaytu başlana” isemle xӓbӓrendӓ Kovid-19 belӓn körӓştӓ zur uňışqa ireşkӓn Törkiyӓdӓ tormışnıň cayğa salına başlanaçağı turında yaza. Plan nigezendӓ 10 nçı maydan başlap 65 yӓş’tӓn olıraq hӓm 20 yӓş’tӓn keçerӓk watandaşlar öçen bilgele ber könnӓr hӓm sӓğӓt’lӓrdӓ uramğa çığarğa röxsӓt birelӓçӓk. Çӓçtaraş, maturlıq salonnarı, sӓwdӓ üzӓklӓre 11 nçe mayda açılaçaq.
”Star” gazetı” Franśuz Mourad Ghazli dönyağa Törkiyӓne aňlata” isemle xӓbӓrendӓ Antaliyada ber marketta töşergӓn videosı belӓn dönyakülӓm tanılğan Franśiya watandaşı Mourad Ghazlineň bu yulı daruxanӓdӓn 5 bitlek alğan waqıtta töşergӓn videonı urtaqlaşuın citkerӓ. Mourad Ghazli Törkiyӓ ilbaşı Rӓcӓp Tayyip Ӓrdoğannıň xalıq belӓn qızıqsınuın belderӓ, bu videonı da qısqa waqıt êçendӓ un meňnӓrçӓ keşe qarıy.
”Xӓbӓr Törek” gazetı “Pandemiyӓdӓn soň Törkiyӓ populyar üzӓk bulaçaq” isemle xӓbӓrendӓ Törkiyӓ möstӓqil’ sӓnӓğӓt’çe hӓm êşmӓkӓrlӓr cӓmğıyӓte ğomum başlığı Abdurrahman Kaannıň Kovid-19 pandemiyӓsendӓ Törkiyӓneň nindi köçle il buluın böten dönyağa kürsatüe turında ӓytüen citkerӓ. Kaan tarmaqlardağı asqormanıň ӓzer buluın hӓm pandemiyӓdӓn soň Törkiyӓneň populyar üzӓkkӓ ӓwerelӓçӓgen belderde.
”Vatan” gazetı “Greśiyӓneň dӓğ’wasına Törkiyӓdӓn cawap” isemle xӓbӓrendӓ Törkiyӓ tışqı êşlӓr ministrlığı süzçese Hami Aksoynıň Greśiya saqlanu ministrı boralağınıň Törkiyӓ xӓrbi oçqıçları tarafınnan tınıçsız itelüe dӓğ’wasınıň çınbarlıqnı çağıldırmawı turında ӓytüen citkerӓ. Törkiyӓ xӓrbi oçqıçlarınıň Ӓgӓy diňgezendӓ ğadӓti êşçӓnleklӓren başqaruların beldergӓn Aksoy “Ğadӓti oçışlarnı dramalaştırıp kiyerenkelekne arttırırğa mataşunıň Greśiyӓgӓ bernindi faydası yuq”dide.
”Yaňa Şafak” gazetı “Cirle videokonferenśiya programması - dialog” isemle xӓbӓrendӓ yazğança, distaśion êşlӓw şartlarında yuğarı dӓrӓcӓdӓ iminlek tӓêmin itkӓn cirle videkonferenśiya programması “Dialog” bu ayda qullanılışqa tapşrılaçaq. Ӓlege programmada qullanuçı hӓm waqıt çiklӓwe yuq , anı kritik oyışmalar da, şӓxeslӓr dӓ qullana ala. “Dialog” programmasın dus hӓm berlektӓş illӓrgӓ importlaw potenśialı da yuğarı.
