Törek matbuğatına küzätü 25.02.2020
25nçe fevral’ könne basılıp çıqqan qayber törek gazetlarına küzätü
“Star” gazetı: “Liviya Tışqı êşlär ministrı: “Törkiyä tınıç xalıqnı saqlaw öçen ilebezdä”
Liviya Milli kileşü xökümäteneň Tışqı êşlär ministrı Möxämmäd ät-Tahir Säyyalä Törkiyäneň başqala Tripolidäge tınıç xalıqnı saqlaw öçen ilendä buluına basım yasap: “Törkiyä bulmasa ide xäzerge poziśiyäbezdä buluıbız mömkin bula almas ide. Törkiyäneň Liviyadağı kontingentı mäydanda tigezlekne täêmin itä”, - dip äytte.
“Yäni Şafak” gazetı: “Turizmda 2020nçe yıl rekord belän başladı”
Turizmda 2019nçı yılnı rekord belän tämamlağan Törkiyä yaňa yılğa tiz başladı häm böten waqıtlarnıň iň yuğarı ğinwar’ ayı çit il turistı sanına ireşte. Yılnıň berençe ayında Törkiyägä 1 million 787 meň 435 çit il turistı kilde. Monnan aldağı yılnıň şul uq ayına qarağanda çit il turist sanında 16,11% artış yäşände.
“Xörriyät” gazetı: “Törkiyä turizmı kiläse yıllarda tağın da yaxşıraq bulaçaq”
Bötendönya turizm oyışması başlığı urınbasarı Gunter Ihlau törek turizmınıň kiläse yıllarda tağın da yaxşıraq bulaçağın äytte. Ihlau Törkiyäneň soňğı 20 yılda turizm ölkäsendä bik üsüen belderde. Qoyaş, diňgez häm tarixnıň Törkiyädä tabiği kombinaśiya 3eçendä buluın citkerüçe Ihlau monıň dönyada oxşaşınıň bulmawın äytte.
“Watan” gazetı: “Tanılğan kiyem şirkätennän Törkiyä qararı”
Kiyem êşlänmäläreneň danäläp satuçısı “Primark”nıň xucası “AB Foods”nıň finans berämlegeneň başında torğan John Bason koron virusınıň Qıtaydan importlanğan kiyem materiallarınıň täêmin itelüe aqsağan oçraqta Törkiyä belän bergä qayber täêmin itüçelär belän söyläşülär ütkärüen belderde. Fevral’ ayı başında Qıtayda citeşterü başqaruçı xalıqara äzer kiyem firmaları korona virus arqasında barlıqqa kilgän citeşterü riskı aldında Qıtay zakazlarınıň yünäleşen üzgärtü öçen törek firmaları belän söyläşülärgä başlağan ide.
“Xäbär Türk” gazetı: “Dulqınlandırğan täräqqiyät, çarası Törkiyädä bulırğa mömkin”
Törek ğalime professor doktor İbrahim Benter êşläp çığarğan “ACE2/Angiotensin-(1-7)” isemle sistema belän Qıtayda başlağan häm qısqa waqıtta böten dönyada täêsirle bulğan yaňa korona virusnı (Kovid-19) totqarlıy alaçağın äytte. Benter tapqan ısullarınıň xäzerge waqıtta şuşı awırularğa yärdäm itä alaçaq iň tâäsirle metod buluın belderde. Êşçänlekneň qısqa waqıtta töğäyenläşäçägenä basım yasawçı Benter: “Minemçä, korona virusqa qarşı çişeleşneň Törkiyädän çığuı mömkin”, - dip äytte.
