Törek matbuğatına küzätü 07.02.2020
7nçe fevral’ könne basılıp çıqqan qayber törek gazetlarına küzätü
“Sabah” gazetı: “İlbaşı Ärdoğan Paqıstan parlamentına möräcäğät’ itäçäk”
Paqıstan parlamentınıň tübän palatası Milli Mäcles başlığı Asad Kaiser 13nçe-14nçe fevral’dä Paqıstanğa räsmi säfär yasayaçaq İlbaşı Räcäp Tayyip Ärdoğannıň Milli Mäcleskä häm Senatqa möräcäğät’ itäçägen äytte. Paqıstanğa Baş ministr häm Däwlät başlığı bulğan çaqlarda 9 tapqır säfär qılğan İlbaşı Ärdoğan 2009, 2012 häm 2016da parlamentta çığış yasağan ide.
“Star” gazetı: “Törkiyä Äsädneň tınıç xalıqnı üterü öçen saqlağan miçkä bombaların bärde”
Törek qorallı köçläreneň Süriyädäge Tränbä küzätü noqtasın bombalap 7 ğaskärine häm 1 grajdan zatnı şähit itkän Bäşşar Äsäd köçläre Han Tumandağı küzätü noqtasın da tınıçsız itte. Rejim tämeklärenä qarşılıq birgän Törek qorallı köçläre Hamadağı boralaq bazasın da bombaladı. Törek qorallı köçläre Äsädneň tınıç xalıqnı üterü öçen saqlağan miçkä bombaların da şartlattı.
“Xäbär Türk” gazetı: “Ömär Çälik: “Awrupa terrornı yaqlawdan çittä torırğa tiyeş”
“Ğadälät häm qalqınu” partiyası süzçese Ömär Çälik “YPG/PKK” separatist terror oyışması äğzase terrorçılarğa qoçağın açqan Awrupa parlamentına reakśiya kürsätte. Awrupa parlamentınıň Törkiyägä höcüm oyıştırğan terror oyışmalarına tolerantlıq kürsätüen belderüçe Çälik: “Qızıl byulleten belän êzlänüçe terrorçılar Awrupa parlamentında cıyılışta qatnaşa ala. Awrupa parlamentı terrorçılıqnı yaqlawçı şuşı êşçänlegennän çitläşergä tiyeş”, - dip äytte.
“Yäni Şafak: “Koronavirustan soň Törkiyägä yünälälär: iyün’dä taläp-soraw artuı bulırğa mömkin”
Qıtayda koronavirus kizüennän iň küp täêsirlängän tarmaqlarnıň başında tekstil’ häm äzer kiyem tora. Dön’yanıň nigezle äzer kiyem häm tekstil’ firmaları bu ildäge citeşterüen tuqtatqan bulsa, yünäleşne al’ternativ bazarlarğa küçerä. Tekstil’ häm äzer kiyemneň Törkiyä iq’tisadınıň iň möhim dinamikalarınnan berse buluın xäterlätüçe tarmaq wäkilläre iyün’nän başlap Amerika Quşma Ştatlarında häm Awrupa bazarınnan citdi däräcädä soraw-taläp bulaçağı qaraşında.
“Xörriyät” gazetı: “Törkiyä global’ qimmät çeltäreneň möhim aktyorı”
Dön’ya bankınıň Törkiyä direktorı Auguste Tano Kouame global’ qimmät çeltäre êçendä Törkiyäneň ğasırlar buyı buluın belderep: “Global’ qimmät çeltäre êçendä Törkiyäne tekstil’, äzer kiyem, maşina tözü, êlektronika kebek tarmaqlarda da kürä alabız”, - dip äytte. Kouame êksportyor häm importyor firmalarnıň Törkiyädä tağın da tizräk üsüen äytte.
