Törek matbuğatına küzätü 3.02.2020

“Yaña Şäfaq’” gazetı “Qıtayğa mediśina yärdäme cibärdek, zur qaytawaz buldı” dip yaza

Törkiyä tışqı êşlär ministrı Mäwlet Çavuşoğlu Qıtaynıñ Uxan’ şähärenä Koca Yusuf oçqıçı belän cibärelgän yärdämnärneñ zur iğ’tibar cälep itüen belderde. Ul bolay dip söyläde: “Yaponiyä belän Törkiyä genä cibärgän. Häm Törkiyäneñ bu poziśiyäse Qıtayda köçle reakśiyägä säbäpçe buldı. Barı tik töreklär bezgä duslıqların kürsätte didelär”.

“Star” gazetı ministrlıqta koronavirus cıyılışı turında yaza.

Törkiyä sälamätlek saqlaw ministrı Fäxretdin Koca kiçä koronavirus fänni komitetı cıyılışınnan soñ belderülär yasadı. “Qıtaynıñ Uxan’ şähärennän êvakuaśiyälängän watandaşlarda xastalıq bilgeläre yuq. Çir qurqınıçın nol’ prośentqa citkerü öçen 14 kön küzätäçäkbez,”-dide ul.  

“Watan” gazetı yazğança, koronavirusqa qarşı tamğaxanälärdä çaralar küreläçäk.

Säwdä ministrı Ruxsar Päkcan koronavirusqa qarşı tamğaxanälärdä êşçänlek törkeme tözülären, aña sälamätlek saqlaw ministrlığınnan da belgeç sorawların belderde.  “Bez törkemnärebezne här törle cihaz, apparat belän täêmin itäçäkbez. Qıtaydan kilüçe korablar bulsa, kiräkle çaralar kürep üz xezmätkärlärebezne saqlıyq digän poziśiyädä torabız,”- dide ul.  

“Xörriyät” gazetı xäbär itkänçä, “Törkiyä avtomobil’ bazarı 22 Awrupa ilen uzdı”

Törkiyä uzğan yıl iñ küp avtomobil’ häm ciñel maşina satuçı 44 Awrupa däwläten artta qaldırdı. Awrupa avtomobil’ citeşterüçelär mäğ’lümatları belän xäzerlängän xisapqa qarağanda, Awrupa berlege häm Awrupa irekle säwdä berlege illäre tulayım avtomobil’ bazarı 2019nçı yılda 1,4%qa arttı häm 18 million 441 meñ 598 danägä citte.

“Sabax” gazetı “CNR kitap kürgäzmäse işeklären aça” dip citkerä

Bıyıl “Öyrän” teması belän oyıştırılğan 7nçe xalıqara CNR kitar kürgäzmäse 8nçe-16nçı fevral’dä İstanbulda uqırğa yaratuçılarnı kötep qala. Anda seminar, êkspoziśiyä, oçraşular şikelle 300dän artıq çara bulaçaq. Anda cirle häm çit ildän 300läp näşriyat häm 550dän kübräk markanıñ kitapları urın ala.