Törek matbuğatına küzätü 08.01.2020
8 nçe ğıynwar könne basılıp çıqqan qayber törek gazetlarına küzätü
”Xäbär Törek” gazetı “İlbaşı idaräse süzçese İbrahim Qalınnan belderülär” isemle xäbärendä ilbaşı idaräse süzçese İbrahim Qalınnıñ Törkiyäneñ Liviyada berence çirattağı mäs’äläseneñ utnı tuqtatu iğ’lan itü buluı turında äytüen citkerä. Ul bu xaqta kiçäge kabinet cıyılışı däwam itkändä yasağan belderüendä citkerde.
”Vatan” gazetı “Törkiyä çik buyına 31 meñ keşe küçende” isemle xäbärendä Süriyädä Äsäd rejimı, Rusiya häm İran yaqlaw kürsätüçe törkemnärneñ İdlibtäge höcümnäre arqasında Törkiyä çik buyına yaqın cirlärgä tınıç xalıqtan tağın 31 meñ keşe kilep urnaşuı turında yaza. Noyabr’dän birle Süriyä –Törkiyä çik buyındağı töbäklärgä qaçuçılar sanı 359 meñ 471gä citte.
”Star” gazetı “Amerikalı terrorçı deportaŝiyälände” isemle xäbärendä yazğança, Törkiyä êçke êşlär ministrlığı çit il terrorçıların illärenä tapşırunıñ däwam itüen belderde. Bu qısada kiçä AQŞlı 1 terrorçı deportaŝiyälände.
”Xörriyät” gazetı “Ministr Turhan hawa yulın qullanuçı yulçı sanınıñ 209 millionnan artuın belderde” isemle xäbärendä transport häm asqorma ministrı Cahit Turhannıñ uzğan yıl Törkiyä külämendäge hawa mäydannarında 209 million 92 meñ 548 yulçığa xezmät kürsätelüe turında äytüen citkerä. Ministr 2019 nçı yılda 3 million 436 meñ 423 tonna yök taşınuın da belderde.
”Sabah” gazetı “Törkiyä uzğan yıl iñ küp urman çikläwegen İtaliyağa sattı” isemle xäbärendä dönyada urman çikläwege citeşterü häm satuda zur öleşkä iyä bulğan Törkiyäneñ uzğan yıl iñ küp İtaliyağa urman çikläwe satuın uquçıları belän urtaqlaşa. Törkiyä 2019 nçı ylda 121 ilgä 319 meñ 772 tonna urmak çikläwege êksportladı häm annan 2 milliard 28 million 727 meñ dollar tabış aldı.
