Törek matbuğatına küzätü 02.01.2020

“Sabah” gazetı: "İlbaşı urınbasarı Oktaydan bik anıq räweştä Liviya häm Könçığış Urta diňgez yullaması: “Uyınnarnı bozu öçen anda bez”"

İlbaşı urınbasarı Fuat Oktay kiçä könüzäk mäs’älälärgä qağılışlı açıqlawlar yasadı. Fuat Oktay Liviyadağı häm Könçığış Urta diňgezdäge täräqqiyätlär belän bäyle bularaq: "Liviyada, Kiprda nişläp yörisez dip sorawçılarğa möräcäğät itäm. Bezgä qarşı uynalğan uyınnarnı bozu öçen anda bez”, - dip anıq itep yullamasın citkerde.

“Xörriyät” gazetı: "Turist ağımı, ber yılda 1.4 million turist"

Burdurnıň Yäşilova ilçäsendä urnaşqan häm aq qomlığı häm firäzä suı belän Törkiyäneň Mal’divları dip belengän Salda küle 2019nçı yılda kilüçelär sanı yağınnan rekord quydı. Burdur vilayäte başlığı Hasan Şıldak 2019nçı yılda Salda külenä 1 million 400 meň keşeneň kilüen belderde.

“Yäni Şafak” gazetı: "THYdän 4 yaňa xalıqara säfär söyeneçe: böten barışlar tämamlandı"

Törek hawa yulları (THY) idarä şurası başlığı İlkär Aycı şirkätneň 2020nçe yılda flot belän bergä oçış çeltären dä kiňäytügä yünälüen belderep: "Bu cähättän Malabo (Êkvator Gvineyası), Haneda (Yaponiya), Newark (AQŞ) häm Vankuver (Kanada) noqtalarınıň oçış çeltärenä kertelüe öçen böten êş barışların tämamladıq", - dip äytte.

“Watan” gazetı: "Törkiyäneň "admiral köymäse" milli sanaq programması belän cihazlandırıla"

Törkiyäneň iň zur xärbi köymäse bulaçaq “TCG Anadolu”ğa dönyadağı iň yaxşı suğış idarä sistemaları arasında kürsätelgän “Advent”nıň integraśiyälänüe başlandı.

“Star” gazetı: "Törek rizıqları Kön’yaq Koreyada çempion buldı"

Kön’yaq Koreya başqalası Seuldä oyıştırılğan “International Top Chef Grand Prix” xalıqara aş-su bäygesendä qatnaşqan, kübese xatın-qız peşekçedän torğan törek taqımı tradiśion läzzätlär belän Törkiyägä 10 altın medal’ qazandırdı. Törek komandası / yarışmada 1 säğättä töp rizıq bulğan "hünkar beğendi", zäytün maylı/qabımlıq bularaq "çiyäle yafrak tulma" häm "humus", tatlı aşamlıq bularaq isä "irmik xälwası" äzerlände.