Törek matbuğatına küzätü 31.12.2019
21nçe dekabr' könne çıqqan qayber törek gazetlarına küzätü
“Xäbär Türk” gazetı Ärdoğan süzläre belän “Törkiyäneñ avtomobile öçen zakazlar ala başladıq” dip yaza.
İlbaşı Räcäp Tayyip Ärdoğan Törkiyäneñ avtomobil’lärenä zakazlar ala başlawın belderde. Ul ilneñ barı yaña texnologiyälärneñ bazarı bulıp qalmayaçağın, alarnı çığaruçı, dön’yağa cäyelderüçe häm üz standartların qabul itterüçe xälgä kiläçägen söyläde.
“Watan” gazetı “Cirle avtomobil’neñ başqalarınnan ayırması” turında yaza.
Törkiyäneñ 2022nçe yılda satuğa çığaçaq berençe êlektriklı, naçar gazlar çığarmawçı häm aqıllı avtomobile 500 çaqrımğa citüçe batareyağa iyä. Anıñ belän İstanbuldan İzmirğa baru 10 liradan oçsızraqqa töşäçäk.
“Xörriyät” gazetı “Turizmda yaña rekord yasaldı” dip citkerä.
Törkiyä 2019nçı yılnıñ ğıynvarınnan noyabrenä qadär 43 millionğa yaqın turistnı qabul itte. Bu annan aldağı yılnıñ şul uq çorı belän çağıştırğanda, 14,31%qa artıq. İl 51 million turist maqsatına yaqınlaştı.
“Yaña Şäfaq” gazetı xäbärenä qarağanda, “Törkiyä Awrupa karta bazarında liderlığın däwam itä”.
2019nçı yılda Törkiyädä karta belän tüläwlär uñay üseş kürsätte. Noyabr’ axırına tulayım karta sanı 234 millionğa citte. Törkiyä Awrupada kredit kartası bazarında Angliyäne, bank kartasında Germaniyäne uzıp berençe urınğa çıqtı.
