Törek matbuğatına küzätü 25.12.2019

 “Xörriyät” gazetı “Ärdoğan Djonson belän telefonnan söyläşte” isemle xäbärendä Törkiyä ilbaşı Räcäp Tayyip Ärdoğannıñ Böyekbritan xökümäte başlığı Boris Djonson belän telefonnan söyläşüe turında yaza. Alar  Liviyä belän Süriyä häm başqa regional’ mäs’älälär turında süz alıp bardı.Ärdoğan häm Djonson Törkiyä belän Angliyä arasındağı ikeyaqlı mönäsäbätlär xaqında da fiker alıştı.

”Xäbär Törek” gazetı “Akardan “Solıx çişmäse” xäräkäte belderüe” isemle xäbärendä Törkiyä saqlanu ministrı Hulusi Akarnıñ kiçä “Solıx çişmäse” belän bäyle yasağan belderüendä älege töbäkneñ könbatışında häm könçığışında qalğan öleşlärdä äle haman da terrorçılar buluı häm alarnıñ töbäktäge törek ğaskärläreneñ kön - tön küzätüe astında buluı turında äytkän süzlären citkera. Hulusi Akar Törkiyäneñ terrorğa qarşı köräşeneñ söyläşülärdä häm ğamäldä özleksez räweştä däwam itäçägen belderde.

“Sabah” gazetı “Höcümnär tuqtamasa İdlib kileşüe bozılğan bulır” isemle xäbärendä ilbaşı idaräse kabinetınıñ kiçä 2019 nçı yılnıñ soñğı cıyılışın ütkärüen xäbär itä. İlbaşı idaräse süzçese İbrahim Qalın cıyılıştan soñ yasağan belderüendä Törkiyäneñ Süriyädä tınıç xalıqnı maqsat itep alğan höcümnär tuqtamağan häm utnı tuqtatu ğamälgä aşmağan oçraqta İdlib kileşüeneñ bozılaçağı turında kisätüen citkerde.

 “Star” gazetı “Çäçäk satu tarmağı êksportında rekord” isemle xäbärendä yazğança, Törkiyä bıyıl 83 ilgä 110 million dollar külämendä êksport başqardı.Älege tarmaqnıñ kiläse yılğa êksport maqsatı – 125 million dollar.Çäçäk satu tarmağındağı iñ zur bazar – Niderland. İñ küp satılğan çäçäk isä -  kanäfer.

”Vatan” gazetı “Törkiyä twitter häm instagram qullanuda berençe urında” isemle yazmasında “Deloitte” şirkäte tikşerenülärenä kürä Törkiyäneñ sośial’ media qullanuda berençe urında buluın uquçıları belän urtaqlaşa.