Törek matbuğatına küzätü 24.12.2019
24 nçe dekabr' könne basılıp çıqqan qayber törek gazetlarına küzätü
”Vatan” gazetı ”Ärdoğannan möhim belderülär” isemle xäbärendä Törkiyä ilbaşı Räcäp Tayyip Ärdoğannıñ kiçä 2019 Fuat Sezgin yılın yomğaqlaw tantanasında yasağan çığışında cirle avtomobil’ xaqında da belderülär yasawın citkerä. Ärdoğan comğa könne Törkiyäneñ avtomobil’ proyektın tanıtu tantanasında da qatnaşaçağın belderde.
”Xörriyät” gazetı “Ömär Çäliktän sıyınuçı yullaması” isemle xäbärendä kiçä “Ğadalät häm qalqınu” partiyäseneñ üzäk başqarma şurası cıyılışınnan soñ süzçe Ömär Çälikneñ belderülär yasawı turında yaza. Çälik:” Monnan soñ sıyınuçı mäs’äläseneñ Törkiyädän bigräk berlektäşlärebez mäs’äläsenä, Awrupanıñ mäs’äläsenä äwereläçägen bik açıq räweştä belderäm. Xalıqara cämğiyät’ne kisätäbez. Törkiyä bu yökne üze genä kütärä almayaçaq”,-dide.
“Star” gazetınıñ “Törkiyä Soğud Ğaräbstanınıñ Qaşıqçı cinayäte qararlarına reakśiya belderde” isemle yazmasınnan kürengänçä, tışqı êşlär ministrlığı süzçese Hami Aksoy Soğud Ğaräbstanı baş prokuraturasınıñ jurnalist Cämal Qaçıqçı cinayäte däğ’wasında 5 keşegä ülem cäzası, 3 keşegä tuplam 24 yıl törmä cäzası bürü qararınıñ kötkännärne qanäğät’ländermäwe turında belderüen citkerä. Aksoy:”Törkiyädä êşlängän bu cinayat’ne centekläp açıqlaw , barlıq cawaplı keşelärne bilgeläp cäzağa tartu barı tik xoquqıy ğına tügel, şul uq waqıtta vöcdan cawaplılığı da. Soğud Ğaräbstanı räsmi zatlarınnan ğadel xezmättäşlek kötep qalabız”,-dide.
”Sabah” gazetı “İstanbul hawa mäydanında 50 millionçı yulçı” isemle xäbärendä İstanbul hawa mäydanında yulçı sanınıñ 50 millionğa citüen xäbär itä. 50 millionçı yulçı titulına iyä bulğan Kobanbay ğailäsenä İstanbuldan New –Yorkka kitär aldınnan ilbaşı Räcäp Tayyip Ärdoğan häm xäläl cefete Ämina Ärdoğan tarafınnan 50 millionçı yulçı istälekle yazuı birelde. İstanbul hawa mäydanı idarä şurası äğ’zası Cämal Kalyoncu da Kobanbay ğailäsenä maxsus büläk tapşırdı.
”Xäbär Törek” gazetı “Törkiyä yomırqa citeşterüçeläre ğaräp bazarlarına yul tottı” isemle xäbärendä yazğança,Törkiyäneñ ähämiyätle yomırqa citeşterü üzäklärennän sanaluçı Afyonkaraxisardan fermerlar Kuveyt häm Berläşkän Ğaräp Ämirlekläre bazarına yünälde.
Afyonkaraxisar säwdä häm sänäğat’ palatası idarä räise Xüsnü Särtäsär beldergänçä, citeşterüçelär aprel’ ayınnan soñ Kuveytqa 15, Süriyägä 3, Katar, Berläşkän Ğaräp Ämirlekläre, Oman häm Baxreynğa tuplam 4 million dollarlıq êksport tormışqa aşırğan.
