Törek matbuğatına küzätü 29.11.2019

“Yaña Şäfaq” gazetı Törkiyä belän Liviyä arasındağı kileşü turında yaza.

İke il diñgezdäge yoğıntı mäydannarın bilgelägän memorandumğa qul quydı. Älege dokument Greśiyä häm Kiprnıñ grek öleşeneñ 15 yıldır xalıqara xoquqnı sanğa suqmawçı adımnarına çik quyaçaq.

“Sabax” gazetı yazğança, Çavuşoğlu Makronnı - terrorçılarnı yaqlawçı dip atadı.

Törkiyä tışqı êşlär ministrı Mäwlet Çavuşoğlu Franśiyä ilbaşı Êmmanuêl’ Makronnıñ Süriyädä terrorçı däwlät tözergä xıyallanuın, ämma Törkiyäneñ YPG/PKKğa qarşı alıp baruçı “Solıx çişmäse” xäräkäte belän anı yuqqa çığaruın söyläde.

“Star” gazetı xäbär itkänçä, ministr Albayraq “Törkiyägä investiśiyä yasarğa soñğa qalmağız,”-dip iskärtte.

Törkiyä qazna häm finans ministrı Bärat Albayraq il iq’tisadınıñ kötelgännän dä zurraq üseşkä ireşüen belderde. Ul investorlarğa möräcäğat’ itep: “Törkiyä täq’dim itüçe strategik urın häm östenleklärne quldan ıçqındırmağız. Törkiyä totrıqlı, köçle idarä häm sistema qorılışı, urnaşqan urının qullanıp nıqlı adımnar belän alğa barğanda, kilegez, soñğa qalmağız,”-dide.   

“Xäbär Türk” gazetı isä törek lirası alıp qazanırğa çaqıra.

Böten dön’yada tanılğan investiśiyä belgeçe Mark Mobius investorlarğa törek lirası alırğa kiñäş itte. “Qulığızda törek lirası bulsa häm anıñ belän yaxşı törek şirkätlärenä investiśiyä yasasağız, aqçağıznı dollarda totuğa qarağanda kübräk otarsız,”-dide ul.

“Xörriyät” gazetı citkergänçä, “FİFAnıñ dön’ya reytingı açıqlandı”

FİFAnıñ internet säxifäsennän noyabr’ ayı reytingın iğ’lan ittelär. Törkiyäneñ A törkeme cıyılma komandası anda 29nçı urında. Alar 2020nçe yıl Awrupa futbol çempionatı saylap alu turların uñışlı ütep finalğa çıqtı.