Törek matbuğatına küzätü 15.10.2019
15nçe üktäbr’ könne basılıp çıqqan qayber törek gazetlarına küzätü
“Xäbär Türk gazetı: “Ärdoğannan Münbiçkä xäräkät signalı”
İlbaşı Räcäp Tayyip Ärdoğan Süriyädä alıp barıluçı “Solıx çişmäse” xäräkätendä alınğan uňışlı näticälärdän soň Münbiçkä işaräläde. Ärdoğan: “Münbiçneň çın xucaları ğaräplär. Anda ğaräp qardäşlärebez keräçäk. Bezneň bu mäs’älädäge totışıbız – alarnıň anda kerüen häm iminlegen täêmin itü,” – dip äytte.
“Watan” gazetı: “Ärdoğan Törkiyäneň terrorçılıq belän köräşen kürmäwçelärgä reakśiya kürsätte"
İlbaşı Ärdoğan Könbatış dönyasınıň Törkiyäneň terror oyışmaları belän köräşen kürmäwen äytte. “Şuşı yasağan soňğı adımnıň berdänber säbäbe bar. Ul da bulsa Süriyäneň tön’yağın “PYD”, “YPG” häm “DEAŞ” terror oyışmalarınnan çistartu häm ul cirlärne çın xucalarına tapşıru. Bez monı Äl Babta yasadıq, 3 meň 500 terror oyışması äğ’zasen täêsirsez xälgä kiterdek. Dön’ya monı kürmi”, - dip äytte häm şuşı ikeyözlelekneň aňlatmasınıň bulmawın belderde.
“Star” gazetı: “Separatist terror oyışmaları “PKK/PYD” häm “DEAŞ”nıň xezmättäşlege dokumentlar belän bilgele buldı”
“Solıx çişmäse” xäräkätendä Süriyädä Tel Abyad rayon üzägeneň bötenese “YPG/PKK” terrorçılarınnan azat itelde. Tel Abyad üzägendä “YPG” terrorçılarınıň êçendäge “DEAŞ”lılarnı irekkä cibärgän törmäneň sürätläre päydä buldı. Tel Abyadtağı törmäneň buş buluı kürende. Törmä terrorçılar tarafınnan buşaltılğanğan çaqta biyek divarlar belän çolğap alınğan binanıň açıq işekläre iğ’tibarnı cälep itte.
“Yäni Şafak” gazetı: “Tramp “Solıx çişmäse” xäräkäten manipulyaśiyälägän ABC kanalına reakśiya kürsätte”
Amerika Quşma Ştatları İlbaşı Donal’d Tramp amerikan xäbär kanalı “ABC”neň qoral tanıtuı waqıtında töşerelgän köçle şartlawlar bulğan sürätlärne “Solıx çişmäse” xäräkäte waqıtında töşerelgän kebek täq’dim itüen "skandal" bularaq bäyäläde.
“Xörriyät” gazetı: “Törkiyä aviaśiya sänäğäte êşlänmäläre Kön’yaq Koreyada kürsäteläçäk”
TUSAŞ Törek aviaśiya häm ğaläm sänäğäte oyışması Kön’yaq Koreyada 15nçe-20nçe üktäbr’ könne ütkäreläçäk Seul xalıqara aviaśiya häm saqlanu yärminkäsendä berençe märtäbä êşlänmälären täq’dir itäçäk. Yärminkädä biğräk tä “Gökbäy” häm “T129 ATAKA” boralaqlarınıň zur iğ'tiba’ kürüe kötelä. Yärminkä Kön’yaq Koreya belän ike yaqlı êlemtälärneň üsterelüe öçen möhim forsat bulaçaq.
