Törek matbuğatına küzätü 3.10.2019

“Sabax” gazetı “İmin töbäk tözü mäs’äläsendä waqıt suzu taktikalarına urın yuq” dip yaza

Milli saqlanu ministrı Xulusi Akar Süriyädä AQŞ belän kileşengän imin töbäk tözü mäs’äläsendä diqqat’ne taratırğa röxsät itmäyäçäklären belderde. Anıñ äytüençä, AQŞ belän xezmättäşlektä qabat waqıt suzu taktikası qullanılsa, älege êş betäçäk.

“Xäbär Türk” gazetı yazğança, “Sentyabr’ ayında êksport 15 milliard 22 million dollar buldı”

Törkiyä säwdä ministrı Ruxsar Päkcan uzğan yıl sentyabr’ ayında êksportnıñ 22,7%qa artıp iñ zur üseşkä ireşüen belderde. “Bıyıl anı quıp cittek häm beraz uzdıq,”-dide ul.  

“Xörriyät” gazetı xäbär itkänçä, avtomobil’ satu 100%qa arttı

Üzäk banknıñ prośentlarnı töşerüennän soñ sentyabr’ ayında maşina satu, uzğan yılnıñ şul uq çorına qarağanda, 100,67%qa arttı.   

“Watan” gazetı Törkiyädä Volkswagen şirkäte açılu turında xäbär itä

Üzäge Germaniyädä bulğan Volkswagen avtomobil’ şirkäteneñ Törkiyädäge Manisa şähärendä zavodı açıldı. Korporaśiyä biregä 1 milliard 400 million yevro külämendä investiśiyä kertäçäk.

“Star” gazetı yazğança, tradiśion sport häm mädäniyätlär Êtnosport festivalendä urın alaçaq

Böten dön’yadağı tradiśion uyınnarnıñ kiñ massalarğa tanıtıluına zur öleş kertüçe älege çara bıyıl 4nçe tapqır ütä. Anda 16 ildän qatnaşırğa teläk beldergännär. Festival’ 3nçe-6nçı oktyabr’dä İstanbulnıñ Atatörek aêroportında uza.