Törek matbuğatına küzätü 02.10.2019

 “Yaña Şafak” gazetı “Ärdoğan Süriyädä imin töbäk mäs’äläsendä ber kön dä kötä almıybız dide” isemle xäbärendä Törkiyä ilbaşı Räcäp Tayyip Ärdoğannıñ Süriyädä buldırılaçaq imin ışanıçlı töbäk mäs’äläsendä Törkiyäneñ üz yulın däwam itterüdän başqa çarası qalmawı turında äytüen citkerä.

”Sabah” gazetı ”Ärdoğan Üzäk bank valyuta rezervlarınıñ 100 milliard dollardan artuın belderde” isemle xäbärendä ilbaşı Räcäp Tayyip Ärdoğannıñ Üzäk bank valyuta rezervlarınıñ 103 milliard dollarğa citüe turında äytüen belderä.

 Xäbärdän kürengänçä, Ärdoğan iq’tisadta balans häm yañadan üseş barışın uñışlı räweştä däwam itterülären belderep,”11 nçe qalqınu planındağı yul kartasına iyärep kiläçäktäge saylawsız 4 yılnı iñ yaxşı räweştä uzdırırğa uylıybız. İlebezne dönyanıñ iñ zur 10 iq’tisadı arasına kertü öçen armıy-talmıy êşläyäçäkbez” dide.

”Vatan” gazetınıñ ”Yaña iq’tisad paketına êş dönyasınnan yaqlaw” isemle xäbärennan kürengänçä iq’tisadnıñ 3 yıllıq yul kartası açıqlandı.

Programmada inflyaśiyanıñ 2022 nçe yılda 4,9%qa töşüe maqsat itep quyıla. Êş dairäläre yuğarı üseş maqsatı şäxsi tarmaqqa êtärgeç birde dip uylıy.   

”Xäbär Törek” gazetı  “Fitch” Törkiyäneñ üseş farazların üzgärtte” isemle xäbärendä kredit bäyäläw oyışması “Fitch Ratings”nıñ kiçä dönya kürgän “Global’ iq’isadi küreneş” xisabında Törkiyä iq’tisadı öçen üseş farazın üzgärtüen uquçıları belän urtaqlaşa.

Oyışma Törkiyä iq’tsadı 2020 nçe yılda 3,1%qa häm 2021 nçe yılda 3,6%qa üsäçäk dip farazlıy.

”Xörriyät” gazetınıñ “Turist sanı 31 millionnan arttı” isemle yazmasınnan kürengänçä, ağımdağı yılnıñ 8 ayında Törkiyädä 31 millionnan kübräk turist yal itkän.

Bu däwerdä Törkiyägä iñ küp turist Rusiyädän kilgän. Avgust ayında iñ küp turist kilgän urın Antaliya bulğan. İñ küp turist qabul itkän urınnar arasında ikençe urında İstanbul tora.