Törek matbuğatına küzätü 27.09.2019

“Sabax” gazetı “Ärdoğannıñ BMOdağı süzläre Kapadokiya kiñleklärendä” dip citkerä

Törkiy ilbaşı Räcäp Tayyip Ärdoğannıñ BMO ğomum şurasındağı çığışında äytkän “Dön’ya 5tän zur” häm “Törkiyä - islam ömmäteneñ ömete” süzläre urın alğan banner kük yözendä cilferdäde. Alarnı Kapadokiyädä zur hawa şarları -  aêrostatlar belän kütärdelär.

“Yaña Şäfaq” gazetı xäbär itkänçä, “İslamofobiyägä qarşı telekanal tözeläçäk”

Törkiyä ilbaşı Räcäp Tayyip Ärdoğan, Paqıstan xökümäte räise İmran Xan häm Malayziyä prem’yerı Maxatxir Möxämmät AQŞta oçraşıp islamofobiyä belän köräşü öçen urtaq televideniye kanalı açu turında kileşte.

“Xäbär Türk” gazetı “2611 çit il keşese 1 yılda Törkiyä watandaşı buldı” dip yaza

AQŞ, Rusiyä, Kanada, Dominikana, Braziliyä, Komor utrawları häm başqa däwlätlärdän 2 meñ 611 investor Törkiyä watandaşlığı aldı. Şulay itep, ğailäläre belän bergä älege statusqa iyä buluçı investorlar sanı 9 meñ 962gä citte.

“Star” gazetı “AQŞnıñ Törkiyä mäs’äläsendä kiregä adım yasawınıñ säbäbe”n yaza

Belgeçlär fikerençä, AQŞnıñ F-35 xärbi oçqıçı programmasında üz fikerennän kire qaytuı Törkiyä şikelle strategik berlektäşne yuğaltudan qurquı.  Ul Yaqın Könçığıştağı mänfäğat’läre öçen yaxşı mönäsäbätlärne saqlarğa mäcbür. Amerikalılar Törkiyäneñ S-400 hawa saqlanu sisteması satıp aluınıñ f-35 öçen yanaw tudırmawın belderde.

“Xörriyät” gazetı Guti Êrnandesnıñ İstanbulğa teläklären yaza

İspaniyä futbolçısı kiçä 5,8 ballıq cirteträw kiçergän İstanbul xalqına üzeneñ borçıluın citkerde. Ul berara Beşiktaş forması kide häm trener buldı. Êrnandes Twitterda törek häm ispan tellärendä “Köçle bul, İstanbul” dip yazdı.