Törek matbuğatına küzätü 26.09.2019

“Watan” gazetı: “Ärdoğan: “Mondıy närsä qabul itelä alınmas”

İlbaşı Räcäp Tayyip Ärdoğan kiçä Amerika Quşma Ştatlarınıñ N’yu-qalasında Törkiyä häm Paqıstan oyıştırğan “Näfrät süzlärenä qarşı köräş” temalı çarada: "Tınıçlıq dine bulğan İslamnı terrorçılıq belän ber itü bik zur yala yağu, äxlaqsızlıq. Mondıy närsä qabul itelä alınmas”, - dip äytte. Ärdoğan Törkiyäneñ artıp baruçı İslam doşmanlığı, rasaçılıq, näfrät süzläre belän köräş ölkäsendäge tırışularnı äydäp baraçağın däwam itäçägen belderde.

“Star” gazetı: “Törek reaktiv oçqıçları 3nçe tapqır Färatnıñ könçığışında oçtı”

Törkiyäneñ “F-16” oçqıçları kiçä 10:00-12:00 säğät’läre arasında Süriyä hawa kiñlegendä Färatnıñ könçığışında oçış yasadı. Milli saqlanu ministrlığınıñ “Twitter” adresınnan yasalğan belderüendä: "Tabiği täwäkkällek xäräkäte qısalarında hawa köçlärenä bäyle ike F-16 belän 10:00-12:00 arasında Süriye hawa kiñlegendä Färatnıñ könçığışında oçış başqarıldı”, - dip äytelde.

“Sabah” gazetı: ““Atmaca” raketası maqsatqa ireşte”

Törkiyäneñ berençe diñgez raketası “Atmaca”nıñ soñğı sınaw atışı uñışlı räweştä başqarıldı. İlbaşı idaräseneñ saqlanu sänäğäte departamentınnan yasalğan belderüdä Diñgez köçläreneñ Milli köymä (MİLGEM) platformalarında urnaştırıluı maqsatınnan çığıp köymädän köymägä küçmä raketa ixtıyacın qanäğät’länderü öçen idarä itelüçe pulya proyektınıñ alıp barıluı äytelde. Bu qısada êşläp çığarılğan “Atmaca” küçmä raketasınıñ soñğı sınaw atışında tämekne turı kiterep bärüe assızıqlandı.

“Yäni Şafak” gazetı: “Törkiyä iñ küp çikläwekne Germaniyağa sattı”

Dön’yadağı çikläwek citeşterüeneñ häm bazarınıñ zur öleşen üz qulında totuçı Törkiyädän 2018nçe yılnıñ 1nçe sentäbr belän 2019nı yılnıñ 31nçe avgust aralığında iñ küp çikläwek satılğan illär arasında berençe urında monnan aldağı 9 sezonda bulğanı kebek qabat Germaniya bulsa, bu ildän soñ İtaliya häm Franśiya kilä.

“Xörriyät” gazetı: “Sakariyadan 8 ayda 138 ilgä êksport”

Törkiyäneñ avtomobil’ êksportında lokomotiv şähärläre arasında urnaşqan Sakarya yılnıñ 8 ayında 138 ilgä häm 10 irekle töbäkkä 3 milliard 339 million 607 meñ dollar külämendä çit ilgä satu başqardı. Şähärneñ ğinwar (ğıyvar’)-avgust çorında iñ küp êksport yasağan tarmaq tuplam êksportnıñ 91,5%ına turı kilgän 3 milliard 56 million 83 meñ dollarlıq tışqı satu belän avtomobil’ buldı.