Törek matbuğatına küzätü 25.07.2019

”Yaña Şafak” gazetı “İlbaşı sankśiya yanawlarınıñ Törkiyäne däğ’wasınnan waz kiçterä almawın belderde” isemle yazmasında Törkiyä ilbaşı Räcäp Tayyip Ärdoğannıñ Törkiyäneñ Könçığış Urta diñgezdä häm Süriyäneñ tönyağında yasağan adımnarınıñ millät häm Kipr törekläreneñ xaq-xoquq häm mänfäğät’lären saqlawğa zur ähamiyät birüeneñ bik açıq räweştä kürsätüe turında äytüen citkerä. İlbaşı bernindi sankśiyäneñ dä Törkiyäne xaqlı däğ’wasınnan waz kiçterä almawın belderde.

”Xäbär Törek” gazetınıñ “Çavuşoğlu Süriyädä imin ışanıçlı töbäk mäs’äläsendä sabırlıqları qalmawın belderde” isemle xäbärennän kürengänçä, Süriyädä imin ışanıçlı töbäk buldıru söyläşüläre belän bäyle belderü yasağan tışqı êşlär ministrı Mävlüt Çavuşoğlu tübändägelärne citkerde: “Amerika Quşma Ştatlarınıñ täq’dimnäre bezne qanäğät’ländermi. Kileşü täêmin itü kiräk. Bu mäs’älädä sabırlığıbız qalmadı”. Çavuşoğlu bu töbäkne kemneñ kontrol’ itäçäge häm “YPG/PKK”nı biredän çığaru mäs’äläseneñ iñ möhim mäs’älä buluın belderde.

”Star” gazetı “Rusiya texnologiya tarmağında Törkiyä belän xezmattäşlekkä äzer” isemle xäbärendä Rusiya Federaśiyäse Sifrlı üseş,êlemtä häm massaküläm êlemtä ministrı urınbasarı Mixail Viktoroviç Mamonovnıñ Rusiya belän Törkiyäneñ şaqtıy möhim proyekt başqaruın belderep “Aqıllı şähär texnologiyäläre häm kiber iminlek mäs’älälärendä Törkiyä belän xezmättäşlek başqarırğa cıyınabız”dip äytüen uquçıları belän urtaqlaşa.

”Vatan” gazetı” Törek ağımı”nda täwge gaz qudıru yaqınlaştı” isemle xäbärendä Rusiya gazın Törkiyägä ireşteräçäk annan da Awrupağa citkeräçäk “Törek ağımı” tabiği gaz ütkärgeçeneñ Kırklareli qabul itü terminalındağı tözeleşneñ 90%ınıñ tämamlanuın citkerä.

”Sabah” gazetı “Törkiyädän bloklar çeltäre adımı” isemle xäbärendä  2019-2023 nçe yıllarnı üz êçenä aluçı 11 nçe qalqınu planınıñ Törkiyä Böyek Millät Mäclesendä qabul itelüen citkerä. Törkiyäneñ 2023 nçe yılğa qadär berençe çiratta iq’tisad bulu belän bergä bik küp ölkädä alıp baraçaq säyäsätlären üz êçenä aluçı planğa kürä kiläçäk däwerdä bloklar çeltärle śifrlı üzäk bank aqçası ğamälgä keräçäk. Virtual’ aqça Törkiyäne möhim üzäkkä äwerelderäçäk”.