Törek matbuğatına küzätü 18.07.2019

“Yaña Şäfaq” gazetı ilbaşı Ärdoğannıñ Ärbildäge höcüm belän bäyle belderüenä urın birä

Törkiyä ilbaşı Räcäp Tayyip Ärdoğan Ärbildäge höcümnän soñ: “Höcümneñ ğayepleläreneñ tiz arada tabıluları öçen Ğıyraq dairäläre häm cirle wäkillär küzätüe astında êşçänlek däwam itä,”-dide.  

“Star” gazetı xäbär itkänçä, “Törek qorallı köçläre PKKlı terrorçılarnıñ Ğıyraqtağı cäyelü säyäsäten kirtäläde”

PKK Ğıyraqnıñ Törkiyä häm İran çige buyında 29 yıldır 800 awılnı basıp alıp tordı. Törek qorallı köçläreneñ oyışma citäkçelärenä qarşı operaśiyäläre qarşı yaqta zur çarasızlıq xise barlıqqa kiterde. Näticädä terrorçılarnıñ xäräkät quäte kimede.  

“Sabax” gazetı “AQŞ mediasında Törkiyägä iğ’tibarnı cälep itüçe analiz” isemle mäqalä bastıra.  

Törkiyäneñ Rusiyädän S-400 hawa saqlanu sistemasın kiterä başlawı AQŞ cämäğat’çelek fikerendä kiñ urın ala. Mediadağı farazlarda häm fiker qorılışlarınıñ analizlarında Törkiyäneñ AQŞ yanawlarına buysınmawı assızıqlana.  

“Xörriyät” gazetı “Dürtençe köymä dä kitä” dip yaza

Urta diñgezdä borawlaw êşçänlege säbäple sankśiyälär kertü turında beldergän Awrupa Berlegenä Törkiyäneñ cawabı kisken buldı. İl Fatix, Yavuz häm Barbarostan soñ Oruç Räis tikşerenü köymäsen dä Kipr sulıqlarına cibärä.

“Watan” gazetı yazğança, Törek hawa yulları Baliğa säfär başladı

Törek hawa yulları İndoneziyanıñ ataqlı yal itü utrawı Baliğa tariflı säfärlär yasıy başladı. Turıdan oçışlar atnada 7 tapqır bulaçaq.