Törek matbuğatına küzätü 17.07.2019

“Xörriyät” gazetı” Törkiyädän Urta diñgezgä yaña adım” isemle xäbärendä Törkiyä ênergetika häm tabiği çığanaqlar ministrı Fatih Dönmäzneñ twitter aşa yasağan belderüendä Urta diñgezdäge êzläw êşçänleklärenä yaña adım östälüe turında äytüen citkerä.

Ministr beldergänçä,êzläw häm borawlaw êşçänlekläre öçen “Oruç Räis” köymäse dä êşkä kereşäçäk.

”Star” gazetı “İspaniyadan Awrupa Berlegenä Törkiyä kisätüe” isemle yazmasında İspaniya tışqı êşlär ministrı Xosep Borrellnıñ Awrupa Berlegen Törkiyä xaqında Könçığış Urta diñgezdäge zondaj êşçänlekläre belän bäyle qarar qabul itkänçe diplomatiya alıp barırğa çaqıruın citkerä.

 Borrell “Sankśiyälärdän êlek ike tapqır uylarğa kiräk. Söyläşülärgä kire qaytırğa täşwiq itü , kiyerenkelekneñ artuın tuqtatırğa kiräk.Xäzer diplomatiya waqıtı”dide.

 “Xäbär Törek” gazetı “İstanbulda tarixi rekord, 5 ayda 5 million 400 meñ turist kilde” isemle xäbärendä bıyılnıñ 5 ayında İstanbulğa 5 million 416 meñ turist kilüen, monıñ isä uzğan yılnıñ şul uq çorı belän çağıştırğanda 11%qa kübräk buluın uquçıları belän urtaqlaşa. 

”Vatan” gazetınıñ “May ayında Awrupa Berlege belän profiśit” isemle xäbärennän kürengänçä, Awrupa statistika ofisı Awrupa Berlege häm Yevro töbägeneñ may ayındağı xalıqara säwdä kürsätkeçlären äzerläde.

Älege mäğ’lümatlardan kürengänçä, Törkiyä may ayında Awrupa Berlegenä 6 milliard 873 million 800 meñ yevro êksport başqardı. Awrupa Berlegennän 6 milliard 309 million 300 meñ yevro import başqarğan Törkiyäneñ  may ayında 564 million 500 meñ yevro profiśitı barlıqqa kilde.

”Yaña Şafak” gazetı “Törkiyägä investisiya kertü adımı” isemle xäbärendä Niderland –Törkiyä säwdä xezmättäşlege üzägeneñ Törkiyägä investiśiya kertü êşçänlegenä kereşüe turında yaza.

1 trillion 256 milliard yevro külämendäge çit il investiśiyäläre sälamätlek saqlaw, awıl xucalığı, azıq tölek häm terlekçelek, informatika, ximiya, ênergetika, aviaśiya häm ğaläm , yuğarı texnologiya industriyäläre ,diñgezçelek tarmaqlarına kerteläçäk.