Törek matbuğatına küzätü 09.05.2019
9nçı may könne basılıp çıqqan qayber törek gazetlarına küzätü
“Yäni Şafak” gazetı: ““Türksat 5A”nıñ oçırtu waqıtı bilgele buldı”
Törkiyäneñ iyärçen êşlätüçese “Türksat” ğomum mödire Cänk Şän Türksat 5A iyärçeneneñ kiläse yılnıñ ikençe çiregendä ğamälgä oçırtıluınıñ planlaştırıluın äytte. Şän 31 däräcä könçığış yünäleşenä urnaştırılaçaq “Türksat 5A” iyärçeneneñ Amerika Quşma Ştatlarınıñ Florida ştatındağı oçırtu mäydançığınnan ğalämgä cibäreläçägen belderde.
“Xörriyät” gazetı: “Turistlarnıñ ber nomerlı saylap alğanı”
Antaliya uzğan yılda ike hawa mäydanı häm transfer yulçılar belän tuplam 13 million 591 meñ 17 turistnı, 5 ilçädäge kruiz portlarında da 51 meñ 835 belän bergä cämğise 13 million 642 meñ 852 turistnı qabul itte. 2018nçe yıldağı turist sanında 2017nçe yılğa qarağanda 30%qa artu terkälgän bulsa, 2019nçı yıldağı çit il turist sanındağı maqsat isä 16 million bularaq açıqlandı. Şähärgä 2019nçı yılnıñ berençe dürt ayında uzğan yılnıñ şul uq çorına qarağanda 32%qa artıp 1 million 560 meñ 862 turist kilde.
“Sabah” gazetı: “Törkiyäneñ yaña qoralı: “Alka””
Törkiyä soñğı waqıtlardağı terror höcümnärendä yış qullanılğan şartlatqıç töyälgän hawa apparatların häm quldan yasalğan şartlatqıçlarnı täêsirsez xälgä kiterü öçen dönyada şaqtıy yaña bulğan “Alka” idaräle ênergiya qoral sistemasın (YESS) qamilläşterde. Törkiyäneñ raketa ölkäsendäge lider şirkäte “ROKETSAN” “Alka YESS”ne berençe tapqır İstanbuldağı 14nçe Xalıqara saqlanu sänäğäte yärminkäsendä tanıttı. “Alka” sınap qaraw küreneşlärendä şartlatqıç töyälgän häm iminlekne bozuçı şımçı dronnar kebek qurqınıçlıqlarnı uñışlı räweştä yuqqa çığardı.
“Watan” gazetı: “Pasporttan yöz tanu sisteması belän kiçülär başladı”
Dön’yada şaqtıy hawa mäydanında qullanılğan barmak êze häm yöz tanu belän pasport kontrolennän uzunı täêmin itüçe Biometrik avtomatik kiçü sisteması sınap qaraw maqsatlı Sabiha Gökçän xalıqara aêroportında xezmätkä kerä. Hawa mäydanı terminal êşlätüçese İSG häm İminlek ğomum mödirlege tarafınnan urtaqlaşıp qamilläşterelep xezmätkä alınğan Biometrik avtomatik kiçü sisteması belän yulçılar sistemağa tanıtılğan barmak êzläre häm yözläre belän 18 sekundada pasport kontrolennän uza alaçaq.
“Xörriyät” gazetı: “Färzan Özpätäkkä İtaliyadan ber-ber artlı däräcä isemnäre”
Tanılğan rejissyor Färzan Özpätäk İtaliyanıñ Lecce häm Napoli şähärlärennän soñ Palermo şähär xakimiyäte tarafınnan da maqtawlı däräcäle watandaş bulıp iğlan itelde. Palermo universitetı da Özpätäkne maqtawlı doktor isemen birde. Salento universitetı da Özpätäkne “Mädäniyät ilçese” itep bilgeläde.
