Törek matbuğatına küzätü 08.05.2019

“Sabah” gazetı “Yaña çişeleş prośessı yuq” isemle xäbärendä Törkiyä ilbaşı Räcäp Tayyip Ärdoğannıñ  “PKK” separatist terror oyışmasınıñ törmädäge atamanınıñ advokatı belän küreşüenä bäyä birüen citkerä.

Ärdoğan “PKK” separatist terror oyışması atamanınıñ advokatları belän küreşüe häm annan soñğı kommentariylarnı bäyäläp  “Yaña çişeleş prośessı bulmayaçaq”dide.İlbaşı idaräseneñ êlemtä başlığı Fahrettin Altun da mäs’älä belän bäyle açıqlawında terror atamanınıñ advokatı belän küreşüen prośedura kirägençä buluın belderep ”Bezneñ töşençä häm fikerlärebez anıq,tögäl”dide.

 ”Xäbär Törek” gazetı “Törkiyä Urta diñgezdäge xoquqların saqlaw mäs’äläsendä qatğıy” isemle xäbärendä ênergetika ministlığınıñ Törkiyäneñ Könçığış Urta diñgezdä alıp baruçı zondaj êşçänlekläre belän bäyle belderü yasawın citkerä.

 Belderüdä tübändäge yullar urın ala:” Törkiyäneñ üz qıytğası mäydanında alıp baruçı zondaj êşçänlekläre belän bäyle bularaq töbäktä häm töbäktän çittäge aktyerlar yasağan belderülärne qabul itü mömkin tügel”.

”Star” gazetınıñ “Törek ğaskäre S-400 hawa saqlanu sistemaların öyränügä kereşä” isemle xäbärennän kürengänçä, diplomatik çığanaqlar beldergänçä,may azağında yaqınça 100 törek ğaskäre 2019 nçı yılda tapşırılaçaq S-400 hawa saqlanu sistemaların qullanu öçen Rusiyädä xärbi bazada uqıtu-öyrätü êşenä kereşäçäk. Öyränü yaqınça 5 ay däwam itäçäk.

”Yaña Şafak” gazetı “Susız citeşterügä mömkinlek birüçe sistema” isemle yazmasında Konyada susızlıq problemasına çişeleş tabu maqsatı belän êşkä kereşkän 3 keşeneñ susız ciläk – cimeş häm yäşelçä citeşterügä mömkinlek birüçe "Ekobox" sisteması uylap tabuın uquçıları belän urtaqlaşa.

 Ağaç häm yäşelçä şıtımnarınıñ barı tik 16 litr su belän citeşüe häm tamırlarınıñ tufraqtağı su çığanağına ireşüen täêmin itüçe sistema çül, taşlı urınnar häm qorı mäydannarda da ciläk-cimeş häm yäşelçä üsterügä mömkinlek tudıraçaq. Bu sistemağa çit ildän dä zur taläp bar.

”Vatan” gazetı “Törek futbolçı Ozan Kabaknıñ qıymmäte iğ’tibarnı cälep itte” isemle xäbärendä Xalıqara sport tikşerenüläre üzäge mäğ’lümatlarına kürä Awrupanıñ 5 zur ligasında transfer bäyäse iñ yuğarı bulğan 50 futbolçınıñ isemlegen açıqlawın citkerä.

 İsemlektä 1 törek futbolçı da bar. Törkiyäneñ “Galatasaray” komandasınnan Germaniyağa  11million yevroğa kitkän Ozan Kabaknıñ isemlektäge bäyäse 20 million 800 meñ yevro .