Törek matbuğatına küzätü 07.05.2019
7nçe may könne basılıp çıqqan qayber törek gazetlarına küzätü
“Sabah” gazetı: “İlbaşı Räcäp Tayyip Ärdoğanğa ramazan qotlawı”
İlbaşı idaräse çığanaqlarınnan alınğan mäğ’lümatkä kürä, Fälästin Däwlät başlığı Mahmut Abbas belän Qatar Ämire Şäyex Tämim bin Hamäd Al Sani häm Ğiraq (Ğıyraq) İlbaşı Bärhäm Salih İlbaşı Räcäp Tayyip Ärdoğanğa şaltıratqan. Liderlar, İlbaşı Erdoğannıñ ramazan ayın täbrikläp, şuşı aynıñ İslam ğaläme häm böten dönya öçen xäyerle buluın teläde.
“Star” gazetı: “S-400 Törkiyä öçen strategik adım”
Saqlanu häm iminlek belgeçe Yusuf Alabarda Törkiyäneñ Rusiyädän alaçaq S-400 hawa saqlanu sistemalarınıñ Süriyädän Könçığış Urta diñgezgä, Ägäy dingezennän Çanakkalä (Dardanel) häm Bosfor buğazlarına qadär şaqtıy urında täêsirle bulaçağın belderde. Alabarda “S-400”lär näticäsendä bu räweşle böten geografiyädä Törkiyägä qarşı oyışuı mömkin täräqqiyätlärneñ täêsirsez qılına alınaçağına basım yasadı.
“Xäbär Türk” gazetı: “Tön’yaq illärdän kilgän turist sanı arta”
Antaliya häm Alaniya Tön’yaq illär öçen turizm cähätennän üzäkkä äylände. Bıyıl berençe dürt aylıq sannarğa kürä, Şveśiyädän Antaliyağa kilgän turist sanı 42%, Norvegiyädän 87%, Daniyadan 18% häm Finlyandiyadan 14%qa artqan. Şul uq waqıtta turizmçılar yılnıñ berençe dürt ayına qarağan çaqta Törkiyäneñ 2019nçı yılda turist sanında qabat rekord quyılaçağın belderä.
“Xörriyät” gazetı: “Bornıñ tağın ber faydası bilgele buldı”
Afyon Kocatäpä universitetınıñ veterinariya fakul’tetı uqıtuçıları dośent doktor Mustafa Kabu belän doşent doktor Räcäp Qara "bor östälgän azıq-tölek êşlänmäläre" östendä 5 yıl buyı ütkärgän tikşerenü näticäsendä söt, sır, yogurt, qaymaq, qazılıq kebek it häm söt uñışlarınıñ ğomeren 20%qa ozınaytıp, êşlänmä çığanaqlı minerallärneñ keşe organizmındağı faydasın arttıra aldı.
“Watan” gazetı: “Käğäzdä çitkä bäylelekne azaytaçaq adım”
Sänäğät’ häm texnologiya ministrı Mustafa Varank 19 yıl aradan soñ êşli başlağan Balıkäsir SEKA êşxanäseneñ makulaturadan kägäz êşläp çığaraçağın belderde. Şäxsi tarmaq belän 140 million yevrolıq kapital salınuın assızıqlawçı Varank: “Bu kapital salunıñ bärabärlegendä ber yıllıq 150 million dollarlıq importnıñ uzılaçağın häm qägäzneñ Törkiyädä êşläp çığarılaçağın” äytte.
