Törek matbuğatına küzätü 6.05.2019
6nçı mayda çıqqan qayber törek gazetlarına küzätü
“Star” gazetı “NATO häm Törkiyä ber-ber artlı S-400 turında belderü yasadı” dip yaza
NATO ğomum särqatibe Yens Stoltenberg Törkiyäneñ Rusiyädän S-400 aluı turında: “Xärbi texnika alu mäs’äläse däwlätlärneñ üz qararlarına bäyle,”-dide. İlbaşı kinäşçese Fuat Oktay isä: “S-400 belän bäyle qarar birelde. Törkiyä ber kileşüne imzalağaç, süz birgäç - anı cirenä citkerer,”-dide.
“Xäbär Türk” gazetı “Ministr Xulusi Akarnıñ Kipr turında belderüe”n yaza
Milli saqlanu ministrı Xulusi Akar Törkiyäneñ Urta diñgez häm Êgeydä xalıqara xoquq nigezendäge xaqlarınnan tış, garant däwlät bularaq Tön’yaq Kipr Törek cömhüriyäte xalqınıñ xoquqların da härwaqıt saqlarğa häm fakt qarşına quyunı röxsät itmäskä qararlı buluların äytte. Ul Greśiyä wäkillären ayıq aqıllı bulırğa häm xezmättäşlek itärgä çaqırdı.
“Xörriyät” gazetı yazğança, “Kuşadasında kruiz bäräkätle”
Niderland häm Mal’ta bayraqlı ike kruiz korabı 3 meñ 560 yulçı belän kiçä Aydınnıñ Kuşadası rayonına yakor’ attı. Turistlarnı portta xalıq biyüläre belän sänğat’ törkemnäre qarşı aldı. Yulçılarnıñ kübese amerikalı. Alarnıñ ber öleşe avtobuslar belän Êfes antik şähäre, Mär’äm ana öye häm başqa tarixi urınnarğa kitte. Qalğannar isä şähär üzägen gizde.
“Yaña Şäfaq’” gazetı xäbär itkänçä, “Berençe 4 ayda 84 million dollarlıq kürägä êksportlanğan”
Törkiyäneñ Malatiyä töbäge dön’yada kipterelgän örek cimeşeneñ 85%ın citeşterä. Cirlek bıyılnıñ 4 ayında çit ilgä 33 meñ 910 tonna kürägä satqan.
“Sabax” gazetı yazğança, “Cünäyt Çakır Liverpul’-Barselona matçında xakimlek itäçäk”
7nçe mayda Liverpul’ belän Barselona futbol komandaları Çempionnar ligasında yarımfinalda oçraşaçaq. Älege matç belän törek xäkim Cünäyt Çakır idarä itäçäk. Anıñ yärdämçeläre isä Baxattin Duran häm Tarık Ongun bulaçaq.
