Törek matbuğatına küzätü 02.05.2019

“Xäbär Türk” gazetı: “Trampnıñ Törkiyä säfäre kön tärtibendä”

İlbaşı idaräse çığanaqlarınnan “Amerika Quşma Ştatları İlbaşı Donal’d Trampnıñ Törkiyä säfäre mäs’äläsendä iyül’ ayı belän bergä alternativ waqıtlar östendä êşlibez”, - dip belderü yasaldı. Waqıt töğäyen bilgele bulğan oçraqta bu Trampnıñ Törkiyägä berençe säfäre bulaçaq.

“Star” gazetı: “Törkiyä Süriyäneñ tön’yağınıñ böten terror törkemnärennän arındırıluında qatği”

İlbaşı idaräse süzçese İbrahim Qalın Amerika Quşma Ştatlarınıñ Süriyä maxsus wäkile James Jeffrey belän başqala Änkarada oçraştı. Törkiyäneñ milli iminlek östenleklärenä açıq räweştä basım yasalğan söyläşü waqıtında Färat yılğasının könçığışında häm Süriyä külämendä terrorçılıq belän köräş, imin töbäk, Münbiç yul kartasınıñ tormışqa aşırıluı, “DEAŞ”, “PKK/YPG/PYD” belän bergä böten separatist terror êlementlarına qarşı köräş, İdlib kileşüeneñ saqlanıp qaluı, Süriyäneñ cir bötenlege qısalarında säyäsi çişeleşkä ireşelüe häm Süriyäneñ yañadan tözekländerelüe mäs’äläläre quzğatıldı.

“Yäni Şafak” gazetı: “Ärdoğan möselman bulğan cırçı Della Milesne täbrik itte”

İlbaşı Räcäp Tayyip Ärdoğan “KADEM” xatın-qızlar häm demokratiya waqıfınıñ İstanbulda oyıştırılğan cıyılışında qatnaştı. Ärdoğan belän xäläl cefete Äminä Ärdoğan möselman bulğan häm İstanbulğa kilgän Della Milesne dä cıyılışqa çaqırdı. Ärdoğan Della Milesne möselman bulğanı öçen täbrik itte. AQŞ cırçısı oçraşudan soñ toyğıları belän urtaqlaşıp: "Bügen dönya liderı belän tanıştım. Törkiyä Däwlät başlığınıñ qulın qıstım, güzäl, cılı qanlı First Lady belän qoçaqlaşuım öçen bik dulqınlandım”, - dip äytte.

“Watan” gazetı: “Antaliyağa kilgän turist sanında rekord quyıldı”

Antaliya turist sanında soñğı yıllarnıñ iñ yuğarı külämenä ireşte. Bigräk tä aprel’ ayında turist sanında rekord yäşände. Berençe 3 ayda 571 meñ 207 turist bulıp kitkän şähärgä barı tik aprel’ ayınıñ 29 könlek barışında 905 meñ 322 turist kilgän. Kötelgännän tağın da kübräk tormışqa aşqan sannar xätta turizmçılarnı da ğacäpländerde. Turizmçılar aprel’ ayındağı artunıñ Pasxa waqıtına bäyle buluın äytte.

“Xörriyät” gazetı: “Törek hawa yulları Awrupa ligasında ike törek taqımı dürtle finaldä”

THY Awrupa ligası play-off çirek final seriyasınıñ 5nçe häm soñğı matçında “Anadolu Äfäs” üz mäydanında İspaniya wäkile “Barcelona Lassa”nı 80-71 isäbe belän ciñep, törkemdäge torışın 3-2gä citkerde häm İspaniyanıñ Vitoria-Gasteiz şähärendä ütkäreläçäk dürtle finaldä qatnaşu xoquqın yawladı. 7-19nçı mayda uzdırılaçaq dürtle finalneñ berençe könendä ike törek komandası “Fänärbahçä Beko” belän “Anadolu Äfäs” soñğı çempion ispan törkeme “Real Madrid” belän Rusiyä wäkile “CSKA Mäskäw” oçraşa. Bu matçlarnı ciñgän taqımnar 19nçı may yäkşämbe könne finaldä çempion bulu öçen, ottıruçılar isä öçençelek öçen uynayaçaq.