Törek matbuğatına küzätü 30.04.2019

“Yäni Şafak” gazetı: “Süriyädä Färat yılğasınıñ könçığışına operaśiya äzerlekläre tämam”

Milli Saqlanu ministrlığı “YPG/PKK” separatist terror oyışmasınıñ Süriyädä basıp alğan töbäktä buluı mömkin operaśiya mäs’äläsendä belderü yasadı. Belderüdä: “Xärbi berleklär här mäğ’nädä äzer. Süriyäneñ tön’yağında oyıştırıluı planlaştırılğan imin töbäk belän bäyle bularaq isä Amerika Quşma Ştatları belän söyläşülär alıp barıla. Xäzergä çaqlı AQŞ yağınnan tiskäre qaraş belderelmäde”, - dip äytelde.

“Star” gazetı: “Friedman: “İğ’tibarın Törkiyägä birmäwçe bu geografiyädä operaśiya yasıy almaz”

“Geopolitical Futures”kä nigez saluçı xalıqara mönäsäbätlär strategı George Friedman TRT teleradiokompaniyasınıñ ingliz telendäge “TRT World” kanalına açıqlaw yasadı. Törkiyäneñ tarix buyı zur yoğıntığa iyä buluın assızıqlawçı Friedman: “Süriyädä häm başqa töbäklärdä yäşängän waqiğalarğa (waqıyğalarğa) qarağan çaqta Törkiyäneñ üz poziśiyasın aluı kürenä. Bu başqarıluı qulay ber êş tügel. Dön’yanıñ añlawı kiräkle närsä iğ’tibarığıznı bik citdi räweştä Törkiyägä birmägän çaqta bu geografiyädä operaśiya yasıy almassız”, - dip belderde.

“Xörriyät” gazetı: “Milli turboreaktiv yörtkeçe (motorı) uñışlı räweştä sınap qaraldı””

Törkiyä tığız êşçänlek näticäsendä dönya külämendäge oxşaşlarınnan artta qalmayaçaq aldınğı texnologik turboreaktiv motor (yörtkeç) êşläp çığara aldı. İlbaşı idaräseneñ saqlanu departamentınıñ yärdäme belän êşläp çığarılğan Törkiyäneñ berençe cirle turboreaktiv yörtkeçe “KTJ-3200”neñ sınap qarawları ütkärelde. Motor-yörtkeç xärbi oçqıçtan ırğıtılğan urta radiuslı xärbi kiräk-yaraqlarda qullanılaçaq. Motornıñ êksport bazarları Awrupa illäre häm Amerika Quşma Ştatları bulaçaq.

“Watan” gazetı: “Däw hawa yulı şirkätläre İstanbulda çiratqa bastı”

Dön’yanıñ aldınğı hawa yulı şirkätläre belän bergä şaqtıy çit il hawa yulı şirkäte İstanbulğa oçış yasaw öçen söyläşülär ütkärä. Yapon hawa yulı şirkäte “All Nippon Airways” (ANA) Tokiodan, Qıtaynıñ “Lucky Air” dä Kunming şähärennän İstanbulğa oçışlar öçen söyläşülär ütkärä. İstanbulğa säfär yasayaçaq başqa ber çit il hawa yulı şirkäte dä “Saudi Gulf Airlines” bulaçaq. Çit il hawa yulı şirkätläre arasında İstanbulğa oçuçılar isä xäzerge liniyalardan tış başqa noqtalardan da oçu öçen kereşülären tizlätte. “China Southern” hawa yulları Pekinnan tış Wuhannan iyün’ ayınnan başlap oçaçaq. “Sichuan” hawa yullarınıñ İstanbulğa tariflı säfärläre isä bügen başlıy.

“Xäbär Türk” gazetı: “Buın däwalanuı öçen sıyıqça êşläp çığardılar, berençe soraw-taläp Yaponiyadan yasaldı”

Kütahyada buın awırularınıñ däwalanuında qullanılğan "glukozamin"ne qarlığannan êşläp çığara alğan törek ğalimnärennän Yaponiyadan 50 tonnalıq glyukozamin êşkärtelmägän matdäsen sorağannar. Dön’ya külämendä barı tik qısla, krevetka kebek qabıqlı diñgez xayvannarınnan êşläp çığarılğan "glyukozamin" Kütahya Dumlupınar universitetınnan bertörkem törek ğalimeneñ 4 yıllıq êşçänlege näticäsendä qarlığannan sıyıqça itep alındı.