Törek matbuğatına küzätü 26.04.2019

“Watan” gazetı: “Terror oyışmasına tağın ber höcüm”

Törek qorallı köçläre kiçä Ğiraqnıñ (Ğıyraqnıñ) tön’yağındağı Gara töbägenä oyıştırğan hawa xäräkätendä “PKK” separatist terror oyışmasınıñ qoral nığıtması, sıyınır urın häm xärbi kiräk-yaraqlar saqlağıçı itep qullanılğan tämeklär yuqqa çığarıldı.

“Star” gazetı: “İlbaşı urınbasarı Oktay: “Törkiyä – iñ reformaçı il bularaq terkälde””

İlbaşı urınbasarı Fuat Oktay kiçä Änkarada Yaxşırtu koordinaśiya şurasında belderülär yasadı. Däwlät başlığı urınbasarı Oktay: "Törkiyä OECD illäre arasında xalıqara turıdan-turı investiśiyälärne çikläwçe kirtälärne beterü ölkäsendä “iñ reformaçı il” bularaq terkälde häm soñğı 17 yılda 210 milliard dollardan kübräk xalıqara turıdan-turı kapital salunı cälep itä aldı”, - dip äytte.

“Sabah” gazetı: “Darüşşafaka robot klubı dönyanıñ iñ yaxşıları arasında”

“Siemens Törkiyä” bulışlıq itüçe Darüşşafaka robot klubı “Sultans of Türkiye" Törkiyäneñ ğorurlığı bulırğa däwam itä. Darüşşafaka liśeyınıñ robot klubındağı uquçıları üzläre yasağan häm "Tenten" dip isem quşqan robot belän Amerika Quşma Ştatlarında 40 ildän 15 meñgä yaqın uquçı yarışqan xalıqara “FIRST Robotics Competition” (FRC) finallärendä “Engineering Inspiration Award”nıñ (İlham birüçe injenerlıq büläge) iyäse buldı. "Sultans of Türkiye" – bäygeneñ dönya finallärendä şuşı däräcädä büläkkä layıq bulğan berençe törek komandası buldı.

“Xörriyät” gazetı: “Rafadan Tayfağa Kölndä zur iğ’tibar”

TRT balalar kanalınıñ yaratılğan mult’fil’mnarınnan “Rafadan Tayfa” geroylarınıñ teatr tamaşası Germaniyanıñ Köln qalasında zur iğ’tibar kürde. Çit illärdäge töreklär häm tuğandaş cämğiyätlär idaräse oyıştırğan tamaşa Diyanät êşläre törek islam berlege ğomum üzägendä ütkärelde. Tüläwsez teatr tamaşası ike seans räweşendä planlaştırıluına qaramastan zur qızıqsınu arqasında 4 seans itep täq’dim itelde.

“Xäbär Türk” gazetı: “Ukraina sänğätçelärennän İstanbulda kürgäzmä”

İstanbulda qunaq bulğan Ukraina rässamnarınıñ İstanbul Artist Residency qısalarında yasağan äsärläre sänğätsöyüçelärgä täq’dir itelde. İstanbuldan ilham alıp äsärlären icat itkän rässamnar Serhiy Savchenko, Liliya Studnytska, Denys Struk, Yuriy Koval, Andriy Roik, Olga Zaremba häm Yuriy Savter törle ısullar, texnika belän êşläde. İstanbul Artist Residency Törkiyä Ukraina sänğätçeläre belän başlatılğan çarada törle il sänğätçeläreneñ dä qatnaşuın täêmin itüne maqsat itä.