Törek matbuğatına küzätü 25.04.2019

“Star” gazetı: “Ärdoğan: “Törkiyägä yala yağuçılarnıñ barısı da qanlı uzğanlıqqa iyä””

İlbaşı Räcäp Tayyip Ärdoğan Bäştäpä Millät kongress häm mädäniyät üzägendä oyıştırılğan simpoziumda çığış yasadı. Ärdoğan çığışında ärmän mäs’äläse häm terrorçılıq belän köräş östennän Törkiyägä keşe xoquqları häm demokratiya däresen birergä totınuçılarnıñ barısınıñ qanlı uzğanlıqqa iyä buluın äytte.

“Yäni Şafak” gazetı: “Altun: “1915 waqiğaları (waqıyğaları) säyäsi mänfäğät’ bulmasqa tiyeş””

İlbaşı idaräseneñ êlemtä başlığı professor doktor Fahrettin Altun 1915nçe yılğı waqiğalarnıñ (waqıyğalarnıñ) säyäsi mänfäğätlärgä qoral itelmiçä döres häm çın mäğ’lümatlär nigezendä qarap çığıluı häm öçençe illärneñ ber yaqlı totışlarına tayanğan ideologik qaraşlardan waz kiçelüe zarurlığın belderde.

“Sabah” gazetı: “Dürt ğaskäri şähit bulğan töbäktä hawa xäräkäte”

Hakkarineñ Çukurca ilçäsenä bäyle Kavuşak Säribäri bazası töbägenä ütep kerergä tırışqan ber törkem “PKK/YPG” terrorçıları hawa xäräkäte belän täêsirsez xälgä kiterelde. İminlek çığanaqlarınnan alınğan mäğ’lümatkä kürä, monnan aldağı könne xärbi baza töbägenä ber törkem “PKK/YPG” separatist terror oyışması terrorçınıñ ütep kerergä tırışuı bilgelände. Hawa köçläre ütkärgän xäräkät waqıtında 19nçı aprel’dä 4 ğaskäri şähit bulğan töbäktä ber törkem terrorçı täêsirsez xälgä kiterelde.

“Xörriyät” gazetı: “Törek avtomobil’ tarmağı Latin Amerikada”

Törkiyäneñ avtomobil’ tarmağı Latin Amerikanıñ iñ zur avtomobil’ almaş detal’, caylanmalar häm servis yärminkäse “Automec 2019”ğa 29 firma belän qatnaştı. “Expo Sao Paulo” yärminkä mäydanında uzdırılğan “Automec 2019” yärminkäsendä 20dän kübräk ildän ber meñgä yaqın şirkät qatnaşa. Uludağ avtomobil’ industriyäse êksportçıları berlegeneñ çarada milli däräcädä qatnaşu täêmin itelgän yärminkädäge Törkiyä mäydanı tarmaq citäkçeläreneñ iğ’tibarın cälep itä.

“Xäbär Türk” gazetı: “İngliz turistta 40% artış kötelä”

Törkiyädä ingliz turistlarınıñ iñ küp saylap alınğan urınnarnıñ başında Marmaris tora. 2019 sezonında Angliya turist sanında 40% artu kötelä. Mäs’älä belän bäyle bularaq Törkiyä säyäxät agentlıqları berlegeneñ (TÜRSAB) Marmaris töbäk wäkillege şurası başlığı Suat Äsin: “Bıyıl böten illärdän citdi artış kötelä, ämma iñ zur artunıñ 40% belän inglizlärdä bulaçağı kürenä”, - dip äytte.