Törek matbuğatına küzätü 22.04.2019

“Star” gazetı “Trampnıñ salım problemasın Törkiyä sänäğät’ töbäge xäl itäçäk” isemle xäbärendä Törkiyä ilbaşı Räcäp Tayyip Ärdoğan belän Amerika Quşma Ştatları ilbaşı Donal’d Tramp arasındağı söyläşüdä qararğa kilengän ike il arasındağı säwdä külämen 75 milliard dollarğa citkerü maqsatına ireşü öçen Törkiyä şirkätläreneñ bergä xäräkät itäçägen belderä.

Tramp citäkçelege kertkän salım mäs’äläsen xäl itep AQŞ bazarına êksportnı arttıru öçen Törkiyä oyışqan sänäğät’ töbäge proyektı öçen êşkä kereştelär. Proyekt qısasında AQŞta buldırılaçaq töbäktä urın alırğa teläwçe sänäğät’çe häm êşmäkärlärdän taläplär alına. 2019 nçı yılğa qadär al taläplär cıyılıp yul kartası bigelänäçäk.  

”Xäbär Törek” gazetı ”Huawei törek professorın qaharman dip iğ’lan itte” isemle yazmasında Qıtay texnologiya firması Huawei’neñ yuğarı däräcäle citäkçese Guo Ping professor doktor Êrdal Arıkannıñ barı tik Törkiyädä genä tügel, êlemtä industriyäse öçen dä qaharman buluı turında äytüen citkerä.

 Guo Ping:”Arıkan 5-G xaqında belderge yazdı. Bez dä anıñ belän bergä êşlädek. 5-Gneñ kamilläşüenä üzennän zur öleş kertte. 5G törek texnologiyäsen qullanaçaq häm bu texnologiya dönyanıñ törle töbäklärendä dä ğamälgä keräçäk. Törek xalqı monıñ belän ğorurlanaçaq”dide.

”Yaña Şafak” gazetınıñ “Çit il keşeläre toraq satıp aluda İstanbulğa östenlek birä” isemle xäbärennän kürengänçä, soñğı 1 yılda Törkiyädä çit il watandaşlarına 46 meñ 243 toraq satıldı. Çit il keşelärenä toraq satuda annan êlekke yıl belän çağştırğanda 108%qa artış küzätelde. Berençe urında İstanbul tora. Antaliya ikençe urında. Soñğı 1 yılda Amerika Quşma Ştatları watandaşlarınıñ Törkiyädä toraq satıp aluı da arttı.

”Xörriyät” gazetı ”Zur köymä Kuşadasında” isemle xäbärendä kruiz turizmınıñ möhim üzäklärennän Aydınnıñ Kuşadası ilçäsendäge portqa Mal’ta bayrağı êlengän “Śelestial Kristall” isemle köymäneñ 620 yulıçısı belän täwge säfären tormışqa aşıruı turında yaza.

”Sabah” gazetı  “Dönyanıñ iñ matur 4 poyezd yulınnan  berse Törkiyädä “ isemle xäbärendä Turistik Könçığış êkspressınıñ Änkara –Kars arasında tarixi häm turistik urınnarnı gizderäçägen xäbär itä. Änkaradan Törkiyä waqıtı belän 20 säğät’tä ,Karstan 23 säğät’tä yulğa çığaçaq poyezd säfäre 27 säğät’ däwam itäçäk.