Törek matbuğatına küzätü 18.04.2019
18 nçe aprel' könne basılıp çıqqan qayber törek gazetlarına küzätü
”Sabah” gazetınıñ ”Törkiyäneñ NATOdağı torışın soraştırırğa röxsät yuq” isemle yazmasında belderelgänçä, Törkiyä Rusiyädän S-400 hawa saqlanu sistemaları satıp alu qararınıñ ber genä ilgä dä qarşı qarar bulmawın belderde.
İlbaşı idaräse süzçese İbrahim Qalın bu xaqta tübändägelärne citkerde:” S-400 qararı Törkiyäneñ milli möstäqil’lege qısasında qabul itelgän qarar. Amerika Quşma Ştatları yäisä başqa ber ilgä qarşı qabul itelgän qarar tügel. S-400 häm F-35 mäs’äläläre bäyläneşendä Törkiyäneñ NATOdağı torışın soraştıru belän bäyle belderülärne qabul itü mömkin tügel”.
”Vatan” gazetı ”Çavuşoğlunnan AQŞqa İran cawabı” isemle xäbärendä Törkiyä tışqı êşlär ministrı Mävlüt Çavuşoğlunıñ kiçä İran tışqı êşlär ministrı Cävad Zarif belän küreşüe turında yaza.
Xäbärdän kürengänçä, Çavuşoğlı “Amerika Quşma Ştatlarına êmbargolarnıñ yalğış buluın añlatunı däwam itteräbez” dide. İran tışqı êşlär ministrı Zarif “Süriyädä Äsäd belän söyläşü ütkärdem. Bu oçraşunıñ xisabın ilbaşı Räcäp Tayyip Ärdoğanğa tapşıram”dip belderde.
“Xäbär Törek” gazetınıñ ”Ägäydän Rusiyägä êksport 111%qa arttı” isemle xäbärendä yazılğança, Ägäydän Rusiyä bazarına êksport bıyıl 111% qa arttı häm 79 million 908 meñ dollarğa citte.
Uzğan yılnıñ şul uq çorındağı kürsätkeç isä 37 million 818 meñ dollar ide.
Ägäydän Rusiyägä êksportta yaña ölgergän ciläk-cimeş häm yäşelçä 15 million 409 meñ dollar belän berençe urında.
”Xörriyät” gazetı “TANAP”tan Awrupağa gaz ireşterüdä soñğı etap”isemle xäbärendä Azärbaycan gazın Awrupa bazarlarına ireşterügä öleş kertäçäk Trans Anadolu tabiği gaz ütkärgeçe TANAP tözeleşeneñ axırına yaqınlaşuın xäbär itä. 15 nçe aprel’dä ütkärgeçkä sınap qaraw maqsatı belän gaz birä başladılar.
”Star” gazetı Fevral’ ayında Awrupa belän säwdä profiśitı” isemle xäbärendä Törkiyäneñ fevral’ ayında Awrupa Berlegenä êksportınıñ importnı uzıp kitüen citkerä.
Yevrostat mäğ’lümatlarına kürä,Törkiyä fevral’ ayında Awrupa Berlege illärenä 6 milliard 528 million 200 meñ yevro êksport, 5 milliard 650 million 600 meñ yevro import başqardı. Törkiyä belän Awrupa Berlege arasında yılnıñ 2 ayında tuplam 2 milliard 684 million 400 meñ yevro säwdä profiśitı küzätelde.
.
