Törek matbuğatına küzätü 17.04.2019
17nçe aprel' könne çıqqan qayber törek gazetlarına küzätü
“Star” gazetı Şveyśariyä matbuğat çaralarınıñ İstanbul aêroportın maqtawı turında yaza
Älege ilneñ ähämiyätle gazetlarınnan berse “Noye Śürxer Śaytung”nıñ publiśistı Birgit Foygt “İstanbul aêroportı xäyran qaldıra” dip ataluçı mäqaläsendä “Yaña İstanbul aêroportı küz yawın ala torğan qorılma. Aêroport, çınnan da, maqtawğa layıq yuğarı däräcädäge şartlar täq’dim itä, yulçı zalı bik zur, här närsä yalt itep tora,”- dip yaza.
“Sabaz” gazetı yazğança, “Tözeleş tarmağındağı üzgäreşlär söyenderä: 12 aydan soñ üseş başlandı”
Törkiyä tözeleş materialları çığaruçılar berläşmäse tarafınnan här ay bastırıluçı xisapta tarmaqnıñ 12 ay däwam itkän torğınlığınıñ martta tögällänüe assızıqlandı. Êşçanlek indeksı 2,1 kürsätkeçkä arttı.
“Yaña Şäfaq’” gazetında “Amerikalı möselman törek lirasına teläktäşlek kürsätte” digän mäqalä urın ala
Törkiyägä kilep urnaşqannan soñ möselmanlıqqa küçkän häm törek xalqınıñ zur ixtiramın qazanğan Amerika sänğat’çese Della Maylz konśert bäyälären törek lirası belän alacağın belderde. Ul älege aqça berämlegenä dön’yada xaq itüçe qıymmäten kürsätergä kiräklegen assızıqlıy. Maylz Awrupanıñ iñ ähämiyätle zallarında un mennärçä keşene cıya häm, ber ük waqıtta, üz teläge belän Törkiyä isemennän turizm ilçese wazıyfasın başqara.
“Xäbär Türk” gazetı yazğança, “Sivastağı Qızılçan külen tamaşa qıluçılar xäyran qala”
Sivasnıñ Zara rayonı Canova awılındağı kül üzeneñ töse belän iğ’tibarnı cälep itä. Ul firäzä töse belän küz yawın ala. Kül ber qalqulıqtağı yaqınça 100 metr tiränlektäge kraterda. Cirlekne tabiğat’ söyüçelär häm fotorässamnar üz itä. Awıl keşeläre: “Vulkan küleneñ töben kürgän keşe yuq,”- di. Külneñ töse hawağa qarap üzgärä. Anda balıq totuçılar da bar.
“Xörriyät” gazetı “Törkiyäneñ iñ yaxşı saqlanğan awılı Adatäpä” dip yaza
Çanakkaläneñ Ayvacıq rayonındağı Küçükkuyu cirlegendä keçkenä genä saqlaw alanı Adatäpä awılı bar. Anda grek häm törek arxitekturasınıñ êzlären saqlawçı binalar kürergä mömkin. Awılnı xozurlı tormışqa açılğan täräzä şikelle dilär. Adatäpä qunaqlarnı borıñğı taş öyläre, iske tegermännäre, zäytün butik-kibetläre belän qarşı ala.
