Törek matbuğatına küzätü 16.04.2019
16nçı aprel' könne çıqqan qayber törek gazetlarına küzätü
“Star” gazetı “Xulusi Akar äytkänçä, AQŞnıñ S-400 belän bäyle totışı xezmättäşlek ruxına qarşı kilä” dip yaza
Törkiyä milli saqlanu ministrı Xulusi Akar Rusiyädän alınaçaq S-400 hawa saqlanu sisteması mäs’äläsendäge borçularnı urtağa quyıp söyläşü öçen AQŞ belän texnik oçraşu usdırırğa äzer buluların belderde.
“Sabax” gazetı ministr Bärat Albayraqnıñ Tramp belän oçraşuın alğı planğa çığara
Törkiyä qazna häm finans ministrı Bärat Albayraq bu oçraşunı ğayät’ uñay dip bäyäläde. Anda S-400 mäs’äläse dä qaralğan.
“Xörriyät” gazetı xäbär itkänçä, “Törkiyä turizmda maqsatlarına taba bara”
Törkiyä mädäniyät häm turizm ministrı Mäxmät Nuri Ärsoy 15nçe-22nçe aprel’ könnärendä uzdırıluçı “Turizm atnası” uñayınnan belderü yasadı. Anda tarmaq ministrı: “Törkiyä, barlıq mäydannardağı şikelle, 2023nçe yıldağı maqsatlarına ışanıçlı adımnar belän bara. Marka şähärlär, gastranomiyä, arxeologiyä, transport, qunaqxanälär häm xezmätkärlär sıyfatı - turizm öçen yasalğan här adım Törkiyäne xalıqara arenada lider däwlät xälenä üsterü maqsatın quya,”-dip belderde.
“Xäbär Türk” gazetı yazğança, “Törkiyä êksport klimatı indeksı mart ayında 52,3 buldı”
Törkiyä citeşterü tarmağınıñ töp êksport bazarlarındağı êşlänlek şartların ülçi torğan aldınğı kürsätkeç İstanbul sänäğat’ palatası Törkiyäneñ êksport klimatı indeksın açıqladı. İndeks mart ayında 52,3 buldı häm köçle yaxşıruğa işarät itte.
“Yaña Şäfaq’” gazetı “Çit ildäge tözeleş proyektlarında planka üste - maqsat 50 milliard dollar” dip xäbär itä
Törkiyä podryadçılar berlegeneñ “Tözeleş sektorı analizı”nda ähämiyätle mäğ’lümatlar urın aldı. Xisapqa qarağanda, törek podryadçılar bıyıl çit illärdäge 10 meñençe tözeleş proyektına taba yul ala.
