Törek matbuğatına küzätü 01.04.2019
1 nçe aprel' könne basılıp çıqqan qayber törek gazetlarına küzätü
“Sabah” gazetı “Dönya liderlarınnan ilbaşı Räcäp Tayyip Ärdoğanğa qotlaw süzläre” isemle xäbärendä Azärbaycan ilbaşı İlham Aliyev, Fälästin däwlät başlığı Mäxmüt Abbas,Serbiya ilbaşı Aleksandr Vuçiç ,Bosniya - Gerśegovina ilbaşı idaräse şurası başlığı Milorad Dodik häm Demokratik ğamäl partiyäse başlığı Bakir İzzätbägoviç ,Albaniya prem’yer-ministrı Edi Rama belän Gvineya ilbaşı Alpha Condeneñ Törkiyä ilbaşı Räcäp Tayyip Ärdoğanğa telefonnan şaltıratıp cirle saylawda 51%tan kübräk tawış cıyuı uñayınnan täbrik itüe turında yaza.
”Vatan” gazetı” Törek hawa yulları İstanbul hawa mäydanında 405 meñnän kübräk yulçığa xezmät kürsätte” isemle xäbärendä Törek hawa yulları ğomum mödire Bilal Êkşineñ “Bügenge köngä qadär İstanbul hawa mäydanında 3 meñ 214 säfär başqarıp 405 meñnän kübräk yulçığa xezmät kürsättek. Zur proyektlar belän 2023 nçe yıl maqsatlarına ireşäçäkbez”digän süzlären uquçıları belän urtaqlaşa.
”Star” gazetı “Diñgezlärdä ber ük waqıtta xäräkät säläte” isemle yazmasında yaña cirle mömkinleklär belän törek injenerlarınıñ flottağı böten köymälärga urtaq xäräkat säläte tudıraçaq ADVENT sisteması uylap tabuların xäbär itä.
Bu sistema belän Qara diñgez häm Märmär dingezendäge xärbi köymälär ber ük waqıtta xäräkättä qatnaşa ala ,flottağı böten köymälärgä urtaq xäräkät mömkinlege tudırıla.
”Yaña Şafak” gazetı “Tabiği taş êksportı 25 yılda 33 tapqırğa arttı” isemle yazmasında Törkiyägä yıllıq 2 milliard dollar valyuta qazandırğan Törkiyä tabiği taş tarmağı dönyanıñ iñ zur 2 yärminkäsennän berse bulğan MARBLE İzmir yärminkäsendä dönyanıñ törle yağınnan kilgän meñnarçä êksportçını qabul itüe turında yaza.Yärminkädä 209ı çit ilneke bulu belän bergä 1100 gä yaqın firma qatnaştı.
“Xörriyat” gazetı ”Angliya gazetı Qara diñgez rizıqları turında yazıp çıqtı” isemle xäbärendä Angliyädä çığuçı “The Guardian”gazetınıñ säyäxätçe – publisiślarınnan Kêrolayn İdenneñ Qara diñgez töbägen gizep biredäge rizıqlarnı tanıtuın citkerä.
Ul Qara diñgez töbäge rizıqlarınıñ bik tämle häm arzan buluına basım yasıy. Ul böten dönyağa satılğan urman çikläwegeneñ 70%ınıñ bu töbäktä citeşterelüen häm biredä bik küp çikläwekle êlänmä satıp aluın belderä.
