Törek matbuğatına küzätü 29.3.2019

“Xörriyät” gazetı beldergänçä Törkiyä ilbaşı Ärdoğan Golan qalqulıqlarınıň 1967 yılğı kileşülär belän BMO tarafınnan Süriyä cirläre buluın äytte.

Gazet yazuınça Törkiyä ilbaşı kiçä başqala Änkarada yäş’lär belän oçraşıp, sorawlarına cawap birde. Tapşırunı Twitter, Facebook häm İnstagram kebek soŝial’ media xisaplarında da turıdan-turı qarap buldı.

“Xäbär türk” gazetı Dänizlidäge Leodikya borınğı şähärendä däwam itüçe qazularda b.ê. soň 113 yılda yasalğan Rim imperatorı Trayan häykäleneň tabıluın citkerä.

Xäbärdän kürengänçä dönyada tiňe bulmağan häykäl 356 kisäk räweşendä çığarılıp berläşterelde.

“Sabah” gazetı Antarktikada Törek ğil’mi tikşerenü lagere urnaşqan Xorsşu utrawınıň Törkiyäneň berençe cirle küzätü iyärçene RASAT tarafınnan ob’yektiv astına alınuın yaza.

Xäbärgä kürä kürsätelgän iyärçen fotoräsemnärendä utraw häm tirä-yağı urın ala. RASAT bernindi çikläwsez dönyanıň här cirendä räsem töşerä ala. Bu räsemnär karta, afätne küzätü, igençelek, tirä-yaq moxitnı saqlaw, şähär tözeleşe häm planlaw êşçänleklärendä qullanıla.

“Watan” gazetı xäbär itkänçä keşesez hawa apparatın cirle mömkinleklär belän yasawçı Baykarnıň Akıncı keşesez hawa apparatın bu yılnıň avgust ayında sınap qaraw öçen oçırtunı maqsat itä.

Gazet yazuınça Akıncı keşesez hawa aparatına 1350 kilogram faydalı yök yöklänä alınaçaq.

“Star” gazetı Törek hawa yullarınıň 6 apreldän başlap yana üzäge bulaçaq İstanbul aêroportında çit ilga oçuçılar öçen qorılaçaq xezmät kürsätü zalında törek çäye öçen maxsus poçmaqnıň yasaluın uquçıları belän urtaqlaşa.

Xäbärgä kürä dönyanıň şaqtıy ilennän Törek hawa yulları yulçıları qullanaçaq 5 yoldızlı qunaqxanä komfortındağı zalda barlıqqa kiterelgän poçmaq yärdämendä törek çäye bar dönyağa tanıtılaçaq. Törek hawa yullarına bäyle bu zalda kafeteriy belän ber rättän kitapxanä, balalar öçen uyın bülmäläre häm tranzit yulçıları öçen yoqı bülmäläre dä bar.