Törek matbuğatına küzätü 28.03.2019

“Sabah” gazetı: “Altun: ““PKK”ğa tağın awır höcüm yasadıq””

İlbaşı idaräseneñ êlemtä başlığı Fahrettin Altun “Twitter” xisabınnan Milli küzläw oyışması (MİT) häm Törek qorallı köçläreneñ urtaq operaśiyası waqıtında  “PKK” separatist terror oyışmasınıñ atamanı Cämil Bayıknıñ iñ yaqın keşelärennän Rıza Altunnıñ häm yanındağılarnıñ Kandilgä yasalğan hawa xäräkäte belän täêsirsez xälgä kiterelüen citkerde. Altun: "“PKK” terrorçısı Rıza Altunğa häm yanındağılarğa iminlek köçlärebezneñ uñışlı hawa xäräkäte belän höcüm itelde. Däwlätebez terrorçılıq belän köräştä dastan yaza”, - dip bäyäläw yasadı.

“Xäbär Türk” gazetı: “Ministr Päkcan: “Böten êş barışı êlektron moxitta yasalğan käğäzsez êksport ğamälenä küçäbez””

Êksportta böten êş barışı êlektron moxitta başqarılğan ğamälgä küçelä. Säwdä ministrı Ruhsar Päkcan êksportta yaña däwerneñ başlawın belderde. Böten êş barışı êlektron bularaq başqarılğan käğäzsez êksport çarasına küçeläçägen äytüçe Päkcan bu räweşle bik zur üzgäreşneñ tormışqa aşırılaçağın assızıqladı.

“Xörriyät” gazetı: “Alman däwe İstanbul hawa mäydanı säfärlärenä başlıy”

Germaniyanıñ “Lufthansa”aviaśiya törkeme 7nçe aprel’dän başlap Törkiyä oçışların İstanbul aêroportınnan yasarğa äzerlänä. Şirkättän yasalğan belderügä kürä, İstanbul hawa mäydanınıñ xalıqara hawa yulları öçen operaśional’ xälgä kilgännän soñ “Lufthansa” Atatörek aêroportınnan yaña adresına küçä. Yaña hawa mäydanın qullanuçı “Lufthansa” yulçıları öçen tarif, bäyä, aêroportnıñ öç xärefle "IST" qısqartuı häm başqa mömkinleklär şuşı uq räweşle ğamäldä bulaçaq.

“Star” gazetı: “Yärdämnärenä Törkiyä aşıqtı”

Törkiyä Diyanät waqıfı (TDV) Süriyädä watandaşlar suğışı qorbannarı 40 meñnän kübräk yätimne däwaladı. TDV ike yıl êlek başlatqan programma belän Süriyädä watandaşlar suğışı arqasında sälamätlek saqlaw mömkinleklärenä ireşä almağan yätimnärne Törkiyädän kitkän üzixtıyarıy tabiblär aradaşçılığı belän atna axırlarında sälamätlek tikşerüennän uzdıra. Tikşerüdän soñ yätimnärgä xastalıqlarına qarap buşlay daru birelä.

“Yäni Şafak” gazetı: ““ATAK” Braziliyada şow yasadı”

Latin Amerikanıñ iñ zur saqlanu sänäğäte yärminkäsendä täq’dir iteläçäk “T129 Ataka” boralağı berençe oçış tamaşasın Braziliya “Forte Ricardo Kirk” ciröste aviaśiya citäkçelegendä başqardı. Braziliya matbuğatı oçışqa zur qızıqsınu kürsätkän bulsa, tantanada qatnaşqan Braziliya oçuçıları häm xärbi personalı ike il pilotları qullanğan “T129 Ataka” boralağınıñ oçış häm sälät-citeşterüçänlek tamaşasın zur iğ’tibar häm dulqınlanu belän qaradı.