Törek matbuğatına küzätü 27.03.2019

“Star” gazetı: “Ärdoğan: “Tramp, kemneñ ciren İzrailgä biräsen?”

İlbaşı Räcäp Tayyip Ärdoğan Amerika Quşma Ştatları İlbaşı Donal’d Trampnıñ Süriyäneñ Golan qalqulıqları östendä İzrailneñ xakimiyäten räsmi räweştä tanuın iğ’lan itüçe Prezident qararına imza saluına tağın ber märtäbä reakśiya kürsätte. “Tramp! Kemneñ ciren İzrailgä biräsen. Berläşkän Millätlär Oyışması qararına kürä, ul cir Süriyä tufrağı”, - dip äytüçe Ärdoğan: “Awrupa Berlege monı qabul itmi, İslam xezmättäşlek oyışması bularaq bez qabul itmibez, Rusiyä qabul itmi, Qıtay qabul itmi, BMO İminlek şurasınnan mondıy qarar qabul itterüen mömkin tügel. Bez nindi dönyada yäşibez”, - dip äytte.

“Watan” gazetı: “Tışqı êşlär ministrı Mäwlüt Çavuşoğlunnan ğaräp illärenä Golan qalqulıqları reakśiyäse”

Tışqı êşlär ministrı Mäwlüt Çavuşoğlu AQŞ İlbaşı Donal’d Trampnıñ Süriyäneñ Golan qalqulıqlarına qağılışlı bularaq qul quyğan dokumentqa qarata kisken reakśiya kürsätte. Mäwlüt Çavuşoğlu: "AQŞ İlbaşınıñ Golan qalqulıqların yawlap aluçı İzrail cirläre bularaq tanuın, imza salğan şuşı dokumentqa qarata töbäktäge ğaräp illärennän tawış çıqmawın äytte. Berençe reakśiyanı Törkiyäneñ kürsätüen belderüçe Çavuşoğlu Awrupa Berlege dä xätta reakśiya kürsätä, ä menä qayber ğaräp illäre Amerika Quşma Ştatları häm İzrail qurquınnan tawışın çığara almıy”, - dip äytte.

“Xäbär Türk” gazetı: “Hind êşmäkäre Manpreet Singh: “Törkiyägä kapital salunıñ näq’ waqıtı””

Hindstan xalıqara säwdä palatası başlığı Manpreet Singh ilendäge investorlar öçen Törkiyägä kapital salunıñ näq’ waqıtı buluın belderde. Törkiyäneñ Awrupa häm Yaqın Könçığış arasında üzäk wazğiyätendä (wazğıyätendä) buluın belderüçe Singh: "Ayıruça Awrupa Berlege belän bik yaxşı mönäsäbätläre bulğan törek şirkätläre bar. Bu mäğ’nädä dä hind şirkätläre törek şirkätlärennän faydalana ala”, - dip äytte.

“Xörriyät” gazetı: “2019da turist sanında 15% artu kötelä”

Törkiyä mädäniyät häm turizm ministrı Mäxmät Nuri Ärsoy 2019 turizm sezonınnan kötkännären açıqladı. Keşe sanında 15% külämendä artunı kötülären belderüçe ministr Ärsoy: “Aldan urınnarnı ayırıp quyu, bron’ yasap quyunıñ şaqtıy küp buluına basım yasadı. Ärsoy: “Bigräk tä cäyge yal töbäklärendä bu küläm tağın da yuğarı bulırğa mömkin. Törkiyä 2019 sezonın yaxşı ğına uzdıraçaq”, - dip äytte. Ministr Ärsoy turizm sezonın ozınaytu häm tağın da sıyfatlı turist cälep itä alu öçen mädäniyät häm sänğät’ belän bötenläşkän turizm añlayışına yünälülären belderde.

“Yäni Şafak” gazetı: “Törkiyäneñ altın citeşterüendä 2023 maqsatı 50 tonna”

Törkiyä ênergetika häm tabiği (tabiğıy) çığanaqlar ministrı urınbasarı Mithat Cansız, Törkiyäneñ ikemeñençe yılğa qadär altın êşläp çığarunıñ bulmawın belderep: "Törkiyä altında 33,5 tonna citeşterü belän 2013nçe yılda iñ yuğarı noqtasın kürde. Bu san 2018dä 27,1 tonna külämenä citte”, - dip äytte. Soñğı 30 yılda artqan êzläw êşçänlege näticäsendä törle rezervlarnıñ tabıluın assızıqlawçı Cansız maqsatlarınıñ 2023tä 50 tonna êşläp çığaru säläte bulğan ilgä äylänü buluın belderde.