Törek matbuğatına küzätü

“Star” gazetı “Trampnıñ Golan qalqulıqları belderüe tağın da kübräk qırıslıq häm qayğı-xäsrätkä yul aça” isemle xäbärendä Törkiyä tışqı êşlär ministrı Mävlüt Çavuşoğlunıñ Amerika Quşma Ştatlarınıñ İzrailneñ xalıqara xoquqqa qarşı ğamällären legal’läşterü tırışlıqlarınıñ töbäktä tağın da kübräk qırıslıq häm qayğı-xäsrätka säbäpçe bulaçağın kisätüe turında yaza.

 Çavuşoğlu “İllärneñ cir bötenlege – xalıqara xoquqnıñ iñ töp prinśibı. Törkiyä Süriyäneñ cir bötenlegen yaqlıy” dip belderde.  

”Xäbär Törek” gazetı “Çavuşoğlu Awrupa parlamentınıñ Awrupanıñ urtaq qıymättlären yaqlawdan yıraq tora” isemle xäbärendä Törkiyä tışqı êşlär ministrı Mävlüt Çavuşoğlunıñ  Awrupa parlamentında könnän kön arta baruçı rasaçılıqqa basım yasawın citkerä.

Xäbärdä tışqı êşlär ministrınıñ tübändäge süzläre urın ala:”Awrupa parlamentı barı tik Törkiyägä qarata ğına tügel, Atrupa Berlege häm Awrupanıñ urtaq qıymmätlärenä qarata da qurqınıç tudıra. Awrupa parlamentındağı rasist häm radikal xalıq ışanıçlıları bolay da Awrupa Berlegenä qarşı”.

”Yaña Şafak” gazetı “Törkiyädä täwge tapqır 3500 metr tiränlektän neft’ çığarıldı” isemle xäbärendä  Törkiyä ênergetika häm tabiği çığanaqlar ministrı Fatih Dönmäzneñ Diyarbakır häm Siirttäge neft’ êzläw êşçänlekläre xaqında belderü yasawın uquçıları belän urtaqlaşa.

 Ministr Diyarbakırda “Märmär-1”  mäydanında cir östennän 3500 tiränlektä cirne çatnatıp Törkiyä neft’läre tarixında berençe tapqır mondıy ısul belän neft’ êzläwlären citkerde.

”Sabah” gazetı ”Törek seriallarınıñ liśenziyäle  äyberläre yärminkadä” isemle xäbärendä ağımdağı yılnıñ 21-24 nçe mart könnärendä İstanbul yuvelir äyberlär  yärminkäse uzuın xäbär itä.

Yärminkädä 24 ildän 1250 firma häm marka, 120 dän kübräk ildän 30 meñnan kübräk qıymmätle taşlar tarmağı qatnaşa. Çarada Yasin täcbixe tanıtıldı. Anıñ bäyäse 350 meñ lira. Yärminkadä şulay uq tarixi törek seriallarındağı bizänü äyberläre häm aksessuarları da urın ala.

”Xörriyät” gazetı ”Finikä - Törkiyäneñ cännäte” isemle yazmasında Antaliyanıñ ber ilçäse bulğan Finikäneñ äflisun baqçaları ,plyajları, tiñsez tabiği maturlığı häm tarixı belän tanıluı turında yaza.

 Mädäni häm tarixi urınnarı belän iğ’tibarnı cälep itüçe Finikägä dönyanıñ här cirennän turistlar kilä.