Törek matbuğatına küzätü 18.03.2019
18 nçe mart könne basılıp çıqqan qayber törek gazetlarına küzätü
“Sabah” gazetı ”İlbaşı urınbasarı Oktay Kraystçerçtä” isemle yazmasında Törkiyä ilbaşı urınbasarı Fuat Oktaynıñ Yaña Zelandiyädä prem’yer-ministr urınbasarı häm tışqı êşlär ministrı Uinston Piters belän küreşüe turında yaza.
Oçraşuda Yaña Zelandiyädäge 2 mäçekä oyıştırılğan terror höcüme, anda yaralanğan Törkiyä watandaşlarınıñ xälläre häm waqıyğa belän bäyle tikşerü xaqında mäğ’lümat urtaqlaşıldı.
Höcümneñ şäxsi ber ğamäl buludan bigräk oyışqan cinayät’ ixtimalın küzdä totıp Törkiyäneñ üz täcribäsenä tayanıp Yaña Zelandiyägä törle yaqlap yaqlaw kürsätergä äzer buluı belderelde.
“Xörriyät” gazetı “İstanbul hawa mäydanı 7 nçe aprel’dä tulısınça êşkä kereşä” isemle xäbärendä barlıq êtapları tögällängändä dönyanıñ iñ zur hawa mäydanı bulaçaq İstanbul aêroportınıñ 7 nçe aprel’dä tulısınça êşkä kereşäçägen xäbär itä.
”Star” gazetı “Hatay belän Afrin arasındağı çik buyı qapqasına Zäytün botağı iseme birelde” isemle yazmasında Törek Qorallı Köçläreneñ bäysez Süriyä armiyäsenä yaqlaw kürsätep “Zäytün botağı” xäräkäte belän terrordan arındırğan Afrin häm Hatay arasında açılğan çik buyı qapqasına Zäytün botağı iseme birelüen uquçıları belän urtaqlaşa.
”Xäbär Törek” gazetı “Microsoft belän Vodafone śifrlı assistent uylap taptı” isemle xäbärendä Microsoft Törkiyä häm Vodafone Törkiyäneñ yasalma aqılğa iyä äñgämä robotı uylap tabuın citkerä.
Älege sistema qullanuçılarğa śifrlı assistent xezmäte kürsätäçäk.
Vodafone robotınıñ kliyentlarnıñ tarif, cihaz bäyäläre, fakturalar belän bäyle sorawlarına cawap birüe maqsat itep quyıla.
”Yäni Şafak” gazetı “Törkiyägä kilgän kruiz köymäläre Kuşadasına tuqtala” isemle xäbärendä Törkiyägä kilgän kruiz köymäläreneñ 58,7%ınıñ Kuşadasına tuqtaluın xäbär itä.
Gazet yazuınça, turit köymäläre Kuşadasına bıyıl 195 säfär yasap 170 meñ 773 turist alıp kiläçäk.
