Törek matbuğatına küzätü 14.03.2019

“Xäbär Türk” gazetı: “Ärdoğan: “Äy Netanyahu üzenä kil, zalim sin””

İlbaşı Räcäp Tayyip Ärdoğan İzrail baş ministrı Binyamin Netanyahunıñ 7 yäşendäge fälästinlelärne üterüçe zalim buluın äytte. Kiçä Änkarada xalıqqa möräcäğät’ itüçe İlbaşı, İzrail başındağı “talawçı”dip äytkän Netanyahuğa reakśiya kürsätep, "Äy Netanyahu üzeñä kil. Sin 7 yäşendäge fälästin balaların üterüçe zalim. Sin xatın-qızlarnı kameralarğa xökem itüçe zalim. Bezneñ andağı ğibadät yadqarlegebezgä poliśiyan, xärbilären ayaq kiyemnäre belän kerä. Bez bu ildä hiçber yähüdkä zolım itmädek, hiçber sinagogağa sezneñ yasağannarığıznı yasamadıq. Bezne qotırtmağız. Bez bu uyınğa birelmäyäçäkbez, monıñ xisabın xalıqara cämäğätçelektä sezgä sorayaçaqbız”, - dip äytte.

“Star” gazetı: “Qalın: “Yalğannar häm basım cinayätläregezne yäşerä almayaçaq””

İlbaşı idaräse süzçese İbrahim Qalın İzrail baş ministrı Binyamin Netanyahunıñ İlbaşı Räcäp Tayyip Ärdoğanğa qarata süzlärenä reakśiya kürsätep: “Yalğannar häm basım cinayätläregezne yäşerä almayaçaq”, - dip bäyäläw yasadı. Qalın: “Netanyahu ğaräplär häm möselmannar turında rasaçı açıqlawlar yasağannan soñ üzen açıp salğanı öçen İlbaşı Ärdoğanğa höcüm itä. Anıñ citäklägän aparteid däwläte Fälästin cirlären yaw astında tota, xatın-qızlarnı häm balalarnı üterä, Fälästinlelärne üz cirlärendä totqın itä. Yalğannar häm basım cinayätläregezne yäşermäyäçäk”, - dip äytte.

“Yäni Şafak” gazetı: “Tışqı êşlär ministrlığınnan Awrupa parlamentına reakśiya”

Tışqı êşlär ministrlığı Awrupa parlamentında qabul itelgän Törkiyä xisabına reakśiya kürsätep: "Awrupa parlamentı üz itkän ber yaqlı häm ob’yektivlıqtan yıraq totışına bezneñ nindider qimmät birüebez mömkin tügel”, - dip açıqlaw yasadı.

“Sabah” gazetı: “Törkiyädän Awrupağa 14 meñ tonna däfnä (lavr) yafrağı êksportı”

Däfnä (lavr) yafrağı häm mayı Germaniya, İtaliya, Franśiya, İspaniya häm Niderland belän bergä törle Awrupa illärenä cibärelä. Muğla awıl häm urman xucalığı mödire Şakir Fırat Ärkal: "Törkiyädä 2018nçe yıl mäğ’lümatlärenä kürä, 14 meñ tonna däfnä (lavr) yafrağı êksportınnan 40 million dollar kerem alındı. Monıñ ber meñ tonnası Muğladan täêmin itelde”, - dip äytte.

“Xörriyät” gazetı: “Rusiyälelärneñ 91%ı Törkiyägä yal itü öçen kilä”

Törkiyä säyäxät agentlıqları berlege (TÜRSAB) äzerlägän Rusiyä turizm bazarı xisabına kürä, uzğan yılda ruslarnıñ 91%ı Törkiyägä yal itü maqsatı belän kilde. Xisapka kürä, Törkiyä rusiyälelär öçen iñ möhim yal itü urını bulu üzençälegen 2018nçe yılda da däwam itterde. Uzğan yılda Törkiyägä kilgän Rusiyä turistı sanı tarixnıñ iñ yuğarı küläme bulğan 5 million 964 meñ 613kä citte.