Törek matbuğatına küzätü 11.02.2019
11 nçe fevral' könne basılıp çıqqan qayber törek gazetlarına küzätü
“Xäbär Törek” gazetı “Yaña Atatörek mädäniyat üzägenä nigez salındı” isemle xäbärendä İstanbul Taksim mäydanında Atatörek mädäniyat üzägenä nigez salu tantanasında çığış yasağan Törkiyä ilbaşı Räcäp Tayyip Ärdoğannıñ Törkiyäneñ sänğät’ häm mädäniyat tarmağında möhim adım yasawı turında äytüen citkerä.
Xäbärdän kürengänçä, ilbaşı Atatörek mädäniyat üzägeneñ 95 meñ 600 kvadrat metr mäydanda tözeläçägen ,5 bloktan toraçağın äytte häm anıñ tözeleşen 2 yılda tämamlawnı küzdä totuların citkerde.
”Vatan” gazetı ”Törkiyä–Rusiya partnyerlığı” isemle xäbärendä Törkiyä ilbaşı Räcäp Tayyip Ärdoğannıñ aprel’ ayına planlaştırlğan Rusiya säfärendä ilbaşı Vladimir Putin belän oçraşuında Törkiyä – Rusiya universitetı mäs’äläseneñ kön tärtibenä kiläçäge turında yaza.
İke il urtaq universitetınıñ İstanbul yäisä Antaliyada bulaçağı belderelä.
”Xörriyät” gazetınıñ “İstanbul hawa mäydannarı 7 million 968 meñ 882 yulçı qabul itte” isemle xäbärennän kürengänçä, Atatörek ,Sabiha Gökçän häm İstanbul hawa mäydannarında säfär sanı bıyılnıñ ğıynwar ayında uzğan yılnıñ şul uq ayına qarağanda 68%qa artıp 56 meñ 420 bulğan. Älege säfarlärda 7 million 968 meñ 882 yulçı oçqan.
”Star” gazetı “Kipterelgän ciläk-cimeş êksportı 1 milliard 388 million dollarğa citte” isemle xäbärendä Törkiyäneñ kipterelgän ciläk-cimeş êksportınıñ 2018 nçe yılda 1 milliard 388 million dollarğa citüen citkerä.
Gazet yazuınça, iñ küp kipterelgän ciläk –cimeş êksportı başqarılğan il Germaniya bulğan.Annan soñ isemlektä Angliya ham İtaliya urnaşqan.
”Yaña Şafaq” gazetı “Çäçäk üsterep satuçılarnıñ maqsatı:85 ilgä êsksport” isemle xäbärendä uzğan yıl 100 million dollar êksport başqarğan Törkiyä çäçäk üsterep satu tarmağınıñ bıyılğı maqsatınıñ 85 ilgä 125 million dollar külämendä êksport başqaru buluın uquçıları belän urtaqlaşa.
