Törek matbuğatına küzätü 5.02.2019

“Watan” gazetında “Süriyäle Fida: töreklärne kürgän waqıtta bu dön’yanıñ xaman äybät buluın xis itäm” digän mäqalä urın ala

Süriyädä Bäşşar Äsäd rejimı höcümnärendä ayağın, ätisen häm tuğannarın yuğaltuğa qaramastan çik buyındağı sıyınuçı lager’larında üz teläge belän uqıtuçı bulıp êşläwçe Fida Xäsängä törek oyışmaları yärdäme belän protez kiterelde. TRT kanalı 2nçe fevral’dä anıñ turında tapşıru çığardı. Fida bolay dip söyli: “Törek milläte bik açıq yözle häm yaxşı. Uramda mine kürüçelär gel yärdämgä aşığa ide. Çönki min ul waqıtta kolyaskada yöri idem. Töreklärne kürgän waqıtta bu dön’yanıñ xaman äybät buluın xis itäm. Ğomeremneñ axırına qadär alardan razıy bulaçaqmın”.

“Sabax” gazetı yazğança, “Törkiyä dön’yada berençe 10 saqlanu çaraları citeşterüçese arasında”

İlbaşı idaräse saqlanu sänäğate räise urınbasarı Särdar Dämiräl: “Törkiyä saqlanu sänäğateneñ uzğan 15 yılına qarağanda öskä taba kitüçe kiñ cilpäzä belän dön’yadağı berençe 10 saqlanu çaraları citeşterüçeseneñ berse xälenä kildek,”-dide. Ul Törkiyäneñ milli tankın çittän yärdäm almıyça yasawın, F-35 xärbi oçqıçı proyektında qatnaşuın häm cirle boralaq Gökbäyneñ sınaw oçışları ütüen söyläde.  

“Star” gazetı xäbär itkänçä, “Dön’yanıñ iñ däräcäle bankları arasındaTörkiyä bankı da bar”

Ziraat bankı - dön’yanıñ aldınğı brendların bäyäläwçe şirkät Brand Finansnıñ isemlegenä kerde. Ul 2017nçe häm 2018nçe yıllarda marka däräcäsen iñ küp arttırğan törek bankı buldı. Qazna häm finans ministrı Bärat Albayraq sośial’ çeltär aşa oyışmanı täbrik itte.  

“Yaña Şäfaq” gazetı “Törkiyä hawa yullarınıñyaña reklama fil’mı Super Bowlda tamaşaçığa täq’dim itelde” dip yaza

Törkiyä hawa yullarınıñ dön’yağa tanılğan Angliyä rejissyerı häm sśenaristı Ridli Skott belän töşergän “Yulçılıq” qısqa metrajlı fil’mınıñ 30 sekundlıq versiyäse Amerika futbolınıñ finalı Super Bowlda kürsätelde. Anda İstanbulnıñ Çırağan sarayı, Şäräfiyä rezervuarı, Ortaköy mäydanı häm İstanbul aêroportı şikelle simvolları arasında bulğan qızıqlı quışu kürsätelä.  

“Xörriyät” gazetı yazğança, “Gaziantäptä turistlar öçen äzerlängän yaña marşrut belän qızıqsınu arta”

Gaziantep moña qadär muzeylardan tış gastronomiyä mäydanındağı köçe belän cirle häm çit il turistların üzenä tartıp tora ide. Xäzer ul tonnalarça awırlıqtağı gigant qıyalardan toruçı Bronza däwerennän qalğan qaberleklärne tamaşa qılu öçen açtı. Restavraśiyädän soñ ul in qısıqlı noqtalarnıñ berse xälenä kilde. Qaberleklärneñ miladqa qadär 3 meñ belän 200nçe yıllar arasına qarawı farazlana.