Törek matbuğatına küzätü 1.02.2019
1nçe fevral' könne çıqqan qayber törek gazetlarına küzätü
“Sabax” gazetı “Çavuşoğlu süzläre belän “Adana kileşüe êşebezgä yarıy” dip yaza
Törkiyä tışqı êşlär ministrı Mäwlet Çavuşoğlu Adana kileşüeneñ neçkäleklären añlattı. Kileşüneñ östämäsendä ber iskärmä bar. Anda “Ägär kileşengän alannarda adım yasalmasa, Törkiyä Süriyä êçendä tiyeşle xäräkätne yasaw xoquqın yä yäşerer, yäisä qullanır” diyelä.
“Xäbär Türk” gazetı “Törkiyädän BMOnıñ Kipr qararına rizasızlıq” turında yaza
Tışqı êşlär ministrlığı 30nçı ğıynvarda qabul itelgän Kiprda BMO tınışlıq köçe missiyäseneñ xezmät direktivası belän bäyle belderü yasadı. Anda “Qarar Kipr mäs’älälseneñ çişeleşe öçen tırışlıqlarğa çınbarlıqta öleş kertmi. BMO tınıçlıq köçe missiyäseneñ ozınaytıluı turında Tön’yaq Kipr Törek cömhüriyäte dairälärennän röxsät alınmawı möhim citeşsezlek. İke töbäkle, ike bülemle häm säyäsi berdäylekkä tayanuçı federal’ çişeleşne çitkä tibärmiçä barlıq al’ternativalarnıñ östälgä quyıluı kiräk” diyelä.
“Yaña Şäfaq’” gazetı “Êksporttağı artu” turında xäbär itä
Törkiyäneñ êksportı 2018nçe yılnıñ dekabr’ ayında artuın däwam itte. Törkiyä statistika oyışması belän säwdä ministrlığı xezmättäşlege yärdämendä açıqlanğan kürsätkeçlär şunı söyli. Êksport 2018nçe yılda, annan aldağı yıl belän çağıştırğanda, 7%qa artıp 168 milliard 23 million dollar täşkil itte. Törkiyäneñ Awrupa Berlegenä satuı da dekabr’ ayında arttı. İñ küp êksport yasalğan däwlät - Germaniyä.
Älege temanı däwam itep “Xörriyät” gazetı “Rusiyägä 30 million dollarlıq pomidor êksportı”na tuqtala
Mäqalädä yazılğança, 2018nçe yılda Rusiyägä 37 meñ 107 tonna pomidor satıldı. Monnan 30 million 634 meñ dollar kerem kilde.
“Watan” gazetı “Törkiyä öçen yaxşı xäbär” dip söyenderä
2018nçe yılda ilgä kilüçelär sanı, çittä yäşäwçe watandaşlar belän bergä, 46 million 112 meñ 592 buldı. Mädäniyäthäm turizm ministrlığı mäğ’lümatlarına qarağanda, turizm tarmağı uzğan yıl 29 milliard 512 million 926 dollar kerem aldı. İñ küp keşe Rusiyädän kilde - 6 millionğa yaqın. İkençe urında - Germaniyä, 4 million yarım keşe. Bolgariyädän isä 2 million 386 meñ turist kilgän.
