Törek matbuğatına küzӓtü 31.01.2019

“Sabah” gazetı Törkiyä ilbaşı Räcäp Tayyip Ärdoğannıñ törek seriallarınıñ dönyanıñ 156 ilenӓ êksportlanuın hӓm 500 million keşe tarafınnan qaraluın ӓytüen citkerӓ.

Xӓbӓrgӓ kürӓ Ӓrdoğan İlbaşı rezidenśiyasendӓ cirle idarӓ başlıqları belӓn oçraştı. Monda çığışında ul 2004tӓ çığarılğan qanun belӓn törek kinosı hӓm serial tarmağınıñ yaña çordan uzuın belderde.

“Xörriyӓt” gazetı Törek hawa yullarınıñ 2018dӓ yulçı sanında 9,5%lık üseş tӓêmin itüen yaza.

Gazet yazuınça Törek hawa yullarınıñ Twitter xisabında urın alğan video yazmada flotka 12 yaña oçqıçnıñ quşıluın hӓm sӓfӓr sanınıñ 332gӓ çığuı belderelde.

“Watan” gazetı Törkiyӓdӓn Qatarğa başqarıluçı êksportnıñ 2018dӓ aldağı yıl belӓn çağıştırğanda 62%lık artış belӓn 630 million dollardan 1 milliard 18 million dollarğa kütӓrelüen citkerӓ.

Xӓbӓrdӓn kürengӓnçӓ Ӓgӓy êksportçı berleklӓrennӓn yasalğan açıqlawğa kürӓ Törkiyӓ 2017dӓ Qatarğa 630 million dollarlık êksport çınğa aşırdı.  Bu san 2018dӓ 1 milliard 18 million dollarğa citte. Şul rӓweşle bu san belӓn Qatar Törkiyӓneñ iñ küp êksport başqarğan 37nçe ile buldı.

“Xӓbӓr türk” gazetı Törkiyӓ Statistika oyışmasınıñ 2014 hӓm 2016 yılğı tikşerenülӓrenӓ kürӓ ilneñ iñ bӓxetle şӓhӓre Sinopqa uzğan yılnı 1 million keşeneñ kilüen yaza.

Xӓbӓrgӓ kürӓ Vilayӓtneñ mӓdӓniyӓt hӓm turizm mödire Xikmӓt Tosun yasağan açıqlawında şӓhӓr güzӓlleklӓreneñ keşelӓrne ayıruça cӓy aylarında Sinopka cӓlep itüen ӓytte.

“Star” gazetı Amerikan basketbol Ligasında uynawçı Cedi Osmannıñ taqımı mӓydanında Vaşington Wizardsnı 116-113 isӓbe belӓn ciñgӓn matçta 26 oçko belan uynawın citkerӓ.