Törek matbuğatına küzätü 29.01.2019
29 nçı ğıynwar könne basılıp çıqqan qayber törek gazetlarına küzätü
“Xäbar Törek” gazetınıñ “Törkiyä Cömhüriyät üzäk bankınıñ rezervları arttı” isemle xäbärennän kürengänçä,Üzak banknıñ räsmi rezervları 2018 nçe yılnıñ dekabr’ ayında annan êlekke ay belän çağıştırğanda 2,2%qa artıp 93 milliard dollarğa citte.
Bu däwerdä valyuta rezervı 71 milliard 400 milion dollar ,altın rezevları 20 milliard 100 million dollar täşkil itte.
”Vatan” gazetı “Çit il keşesenä toraq satu iñ küp Samsun häm Änkarada arttı” isemle xäbärendä Törkiyädä çit il keşesenä toraq satunıñ 2018 nçe yılda annan êlekke yıl belän çağıştırğanda 78,3%qa artıp 39 meñ 663 kä citüe turında yaza.
İñ küp toraq Samsunda häm Änkarada satıldı.
”Yaña Şafak” gazetı ”Gibrid avtomobil’lärgä däwlät yärdäme “isemle xäbärendä Törkiyä ilbaşı urınbasarı Fuat Oktaynıñ gibrid avtomobil’ mäs’äläsendä yaña täşwiq’lär belän sannarnı arttıru yaqlı buluları turında äytüen citkerä.
”Star” gazetı ”Törkiyädän uzğan yıl 22 ilgä ançous êksportlandı” isemle xäbärendä uzğan yıl Törkiyädän 22 iigä 1973 tonna ançous satıluın häm annan 9 million 477 meñ 209 dollar tabış alınuın xäbär itä.
Ançous êksportında berençe urında Franśiya,ikençe urında Bel’giya,öçençe urında Amerika Quşma Ştatları tora.
”Sabah” gazetı “Datçada mindal’ çäçäge festivale” isemle yazmasında uzğan yıl täwge tapqır ütkärelgän häm Törkiyäneñ törle poçmaqlarınnan meñnärçä keşe kilgän Datça mindal’ çäçäge festivaleneñ bıyıl 8-10 nçı fevral’ könnärendä uzaçağın uquçıları belän urtaqlaşa.
Festival’ qısasında quldan êşlängän äyberlär ,mindal’ êşlänmäläre häm cirle rizıqlarnı tanıtu häm satuğa zur ähämiyät bireläçäk. Şulay uq cır-biyü, küñel açu programmaları da täq’dim iteläçäk.
