Törek matbuğatına küzätü 25.01.2019
25 nçe ğıynwar könne basılıp çıqqan qayber törek gazetlarına küzätü
“Vatan” gazetınıñ “Ärdoğan Süriyädä basıp alu niyätläre bulmawın belderde” isemle xäbärennän kürengänçäilbaşı Räcäp Tayyip Ärdoğan Süriyädä gumanitar maqsat belän bulğan berdänber däwlätneñ Törkiyä ikänen belderde. Bu xaqta ul Änkarada xärbi akademiyädä HGM Atlas häm HGM Kürä programmaların tanıtu tantanasında söyläde.
Ärdoğan: “Bezgä watanıbıznıñ 780 meñ kvadrat kilometr cire citärlek,”-dide. Ul Süriyä çigendä tözelergä tiyeşle imin töbäk belän bäyle räweştä Törkiyäneñ basıp alu niyäte bulmawına basım yasadı.
”Xäbär Törek” gazetı “Çavuşoğlunıñ Venesuêla belderüe” isemle xäbärendä Törkyä tışqı êşlär ministrı Mävlüt Çavuşoğlunıñ Venesuêladağı soñğı täräqqiät’lär belän bäyle bularaq qayber Latin Amerikası illäreneñ häm Amerika Quşma Ştatlarınıñ Venesuêlanıñ êçke êşlärenä qatışuı turında äytüen citkerä.
Çavuşoğlu Törkiyäneñ bu awır könnärdä Venesuêla iq’tisadına da yärdäm itärgä tırışuın xäterlätte.
”Xörriyät” gazetı “Törek Qorallı Köçläre gaubiśaları Tel Rıfattağı 12 maqsatqa höcüm itte” isemle xäbärendä Törek Qorallı Köçläreneñ Süriyäneñ tönyağındağı Tel Rıfat ilçäsenä yaqın urnaşqan Şäyh İsa häm Harbil awılların basıp alğan “YPG/PKK” maqsastlarına gaubiśalar belän höcüm itüe turında yaza.
”Sabah” gazetı “Bärat Albayraknıñ Davostağı oçraşuları” isemle xäbärendä Törkiyä qazna häm finans ministrı Bärat Albayraknıñ Şveśariyäneñ Davos qasabasında uzğan 49 nçı Bötendönya iq’tisadi forumı qısasında Franśiya finans ministrı, Germaniya iq’tisad häm ênergetika ministrı belän küreşüen belderä.
Oçraşularda Törkiyä belän älege illär arasında iq’tisadi mönäsäbätlärne üsterü xaqında süz bardı.
”Star” gazetı “50 ilgä 300 törle Afyon raxat-lukum êksportlana” isemle xäbärendä Afyohkarahisarnıñ 4 qıytğadağı 50 ilgä 300 törle Afyon raxat lokumu êksportlawın uquçıları belän urtaqlaşa. İñ küp êksport Awrupa häm Farsı qultığı illärenä başqarıldı.
