Törek matbuğatına küzӓtü 24.01.2019

“Xӓbӓr türk” gazetı Törkiyӓneň Transport hӓm asqorıma ministrı Cahit Turxannıň Sölӓymaniyӓ şӓhӓrenӓ oçqıç sӓfӓrlӓreneň qabat 25 ğinwar könne başlanaçağın ӓytüen yaza.

Xӓbӓrgӓ kürӓ İstanbul-Sölӓymaniyӓ arasında atnağa 7 sӓfӓr başqarılaçaq. Sölӓymaniyӓ hӓm Ӓrbilgӓ oçqıç sӓfӓrlӓre 25 sentӓbr’ könne Ğiraq körd regional’ töbӓgendӓ uzğan bӓxӓsle bӓysezlek referendumınnan soň ğamӓldӓn çığarılğan, Ӓrbilgӓ sӓfӓrlӓr uzğan yılnıň mart ayında qabat başlatılğan ide.

“Watan” gazetı Qazna hӓm finans ministrı Bӓrat Albayraknıň Törkiyӓneň töbӓgendӓ berdӓnber totrıqlı il buluın belderüen citkerӓ.

Gazet yazuınça Albayrak kiçӓ Davosta oyıştırılğan 49nçı Bötendönya iqtisadi forumında “Üsep kilüçe bazarlarnıň torışı” isemle utırışta qatnaştı. Monda sorawlarğa cawap birgӓn ministr Törkiyӓ iqtisadınıň töbӓktӓge qıyınlıqlarğa qaramastan üseşen dӓwam itterüen hӓm nigezeneň nıq buluın ӓytte.

“Star” gazetı beldergӓnçӓ Törkiyӓneň Doxadağı ilçese Fikrӓt Özӓr Törkiyӓneň Qatarğa êksportınıň 2018dӓ aldağı yıl belӓn çağıştırğanda 62%ka artıp, 1 milliard 19 million dollarğa ireşüen, 2019da isӓ 1 milliard yarım dollarğa kütӓrelӓçӓgen citkerde.

“Xörriyӓt” gazetı Törkiyӓdӓge ayaq kiyeme hӓm buqça tarmağı wӓkillӓreneň İtaliyaneň Riva del Garda şӓhӓrendӓ oyıştırılğan Expo Riva Schuh yӓrminkӓsendӓ qatnaşuın yaza.

“Sabah” gazetı Gazianteptӓ şӓhӓrneň simvolına ӓylӓngӓn “Çegӓn qızı” mozaikası urnaşqan Zevgma mozaika muzeyına uzğan yılnı 266 meň 560 keşeneň kilüen uquçıları belӓn urtaqlaşa.

Xӓbӓrgӓ kürӓ ayıruça yıl axırında “Çegӓn qızı”nıň AQŞtan kiterelgӓn soňğı kisӓklӓre belӓn mozaika sanı artqan muzeyğa bıyıl tağın da kübrӓk cirle hӓm çit il turistınıň kilüe kötelӓ.