Törek matbuğatına küzätü 23.01.2019

”Yaña Şafak” gazetı ”Törkiyä balı 48 ilgä satıldı” isemle xäbärendä Törkiyäneñ uzğan yıl 48 ilgä bal êksportlawın ,anıñ annan êlekke yıl belän çağıştırğanda 7%qa artıp 25 million 503 meñ 445 dollarğa citüe turında yaza.

 Xäbärdän kürengänçä, iñ küp êksport başqarılğan illär – Germaniya, Amerika Quşma Ştatları ,İspaniya, Soğud Ğaräbstanı häm Avstriya.

”Xörriyät” gazetı ”Topkapı sarayı 2018 nçe yılda iñ küp turist kilgän muzey buldı” isemle xäbärendä Törkiyä mädäniyat häm turizm ministrlığına bäyle muzeylar,turistik urınnarğa kilüçe keşe sanınıñ 2018 nçe yılda 28 million 144 meñ 670 kä citüen xäbär itä.

 İñ küp keşe kilgän muzey isä –Topkapı sarayı muzeyı. Anı qararğa 2018 nçe yılda 2 million 980 meñ 450 keşe kilgän.

”Sabah” gazetı ”Törkiyä Antarktikada metereologik êşçänlek başqaraçaq” isemle xäbärendä awıl häm urman xucalığı ministrı Bäkir Pakdämirlineñ 3 nçe Antariktika belem säfäre qısasında Antarktikada metreologik êşçänleklär başqarılaçağı turında äytüen citkerä.

”Star” gazetı ”Törek taşı dönyağa tanıtıla” isemle xäbärendä Törkiyäneñ şaxtalarında çığarılğan tabiği taşlarnı tanıtu öçen êşkä kereşüe turında yaza.

 İstanbul taw sänäğäte êksportçıları berlege başlığı Aydın Dinçär märmärneñ dönyada İtaliya taşı bularaq belenüen, fäqät’ Törkiyäneñ märmär rezervları cähätennän tağın da köçle buluın belderde.

Ul märmär häm qıymmätle taşlarnıñ “Turkish Stone” markası belän dönyada tanıtılaçağın citkerde.

”Xäbär Törek” gazetı ”Törek hawa yullarınıñ İstanbul aêroportında ob’yektlar açıldı” isemle xäbärendä Törek hawa yullarınıñ mart ayındağı küçenüdän êlek İstanbul hawa mäydanında 5 ob’yekt açuın uquçıları belän urtaqlaşa.

Atatörek isemendäge hawa mäydanınnan İstanbul aêroportına küçenü 1-3 nçe mart könnärendä bulaçaq.