Törek matbuğatına küzätü 16.01.2019
16nçı ğıynvar könne çıqqan qayber törek gazetlarına küzätü
“Xörriyät” gazetı “İlbaşı Ärdoğannan kritik “imin töbäk” açıqlawı” turında yaza
İlbaşı Räcäp Tayyip Ärdoğan Süriyädä bulaçaq imin töbäk proyektında separatist terrorçı oyışma PKKnıñ älege ildäge däwamçısı YPG/PKKnıñ urın almayacağın söyläde.
“Sabah” gazetı “Ministr Bärat Albayraq xäbär itte. Tağın ber maqsatqa ireştek” dip yaza
Qazna häm finans ministrı Bärat Albayraq Twitter aşa 2018nçe yılnıñ dekabr’ ayı häm ğıynvar-dekabr’ çorı byudjet programması näticälärenä bäyä birde. Ul “Yaña iq’tisad programması”nda uzğan yılğı byudjet defiśitın 72,1 milliard bularaq farazlawların xäterlätte. “Byudjet defiśitının tormışqa aşuı, maqsatıbızğa turı kilep, 72,6 milliard lira buldı,”-dide ul.
“Xäbär Türk” gazetı yazğança, “Sabiha Gökçänneñ yulçı sanı 35 millionğa yaqınlaştı”
İstanbulnıñ Sabiha Gökçän xalıqara hawa mäydanı - Törkiyäneñ iñ zur 2nçe, Awrupanıñ isä 13nçe aêroportı. 2018nçe yılda yulçı sanın 9%qa arttırdı häm tulayım 34 million 58 meñ 917 keşene qabul itte.
“Star” gazetı xäbär itkänçä, “Törkiyä hawa yulları çeltären kiñäytüne däwam itä”
Törek Hawa yulları üzeneñ oçış noqtalarına Amerika qıytğasınıñ Mexiko häm Kankun şähärlären östäde. Säfärlär 21nçe avgustta başlayaçaq. Oçışlar atnada 3 kön İstanbul-Mexiko - Kankun - İstanbul marşrutı buyınça tormışqa aşırılaçaq.
“Watan” gazetı “Armut häm ayva 2018nçe êksportın rekord belän tögälläde” di
Törkiyäneñ törle töbäklärendä citeşterelgän armut (gruşa) uzğan yıl 53 ilgä satıldı. Kürsätkeç, annan aldağı çorğa qarağanda, 33,7%qa artıp 36,2 meñ tonnadan 48,5 meñ tonnağa citte. Kerem 22 million dollar. Ayva êksportı 2018nçe yılda miq’dar bularaq 5%qa arttı häm 19,9 meñ tonna täşkil itte. Annan kilgän kerem - 13 million yarım dollarğa yaqın.
