Törek matbuğatına küzätü 07.12.2018

 “Xäbär Törek” gazetı “İkençe 100 könlek ğamäl planı äzer” isemle xäbärendä Törkiyä ilbaşı urınbasarı Fuat Oktaynıñ yaña däwer häm iq’tisadtağı üzgäreş adımnarın añlatuı turında yaza.

Xäbärdän kürengänçä, Oktay yaña däwerdä saqlanu sänäğäte,avtonom texnologiyälär,mediśina häm ênergetika tarmaqlarında yaña adımnar yasalaçağın citkerde.

 Ğamäl planında östämä qiymmäte yuğarı bulğan êşlänmälär  êşläp çığaruğa yünälgän proyektlar häm xalıqnıñ tormış şartların yaxşırtunı küzda totuçı proyektlar urın alaçaq.  

”Yäni Şafak” gazetı “F-35 lär kiläse yılda Törkiyädä bulaçaq” isemle xäbärendä Törkiyä saqlanu sänäğäte başlığı İsmail Dämirneñ Amerika Quşma Ştatlarınnan F-35 xärbi oçqıçların Törkiyägä tapşıruda problema bulmawı, kiläse yılda 2 oçqıç tapşırılaçağı turında äytüen citkerä.

Dämir Rusiyädän S-400 hawa saqlanu sisteması alu barışınıñ da däwam itüen , bu mäs’älädä dä kirtälär bulmawın ,alarnı 2019 nçı yılda tapşırunıñ küzdä totıluın belderde.

”Vatan” gazetı “Nigeriyälelär töreklärgä räxmät äytte” isemle xäbärendä  Nigeriyädä iminlek probleması häm iq’tisadi säbäplär arqasında 13 millionnan kübräk balanıñ mäktäpkä bara almawı häm Germaniyada yäşäwçe töreklärneñ başqalanıñ könyağındağı Gbessa töbägendä balalar öçen mäktäp saldıruın xäbar itä.

Älege mäktäp uqıtuçısı Adam Said Ali 8 yıl buyı mango ağaçı astında däreslär ütkärülären belderep “Töreklär ğıynwar ayında biregä kilgäç bezneñ ayanıç xälebezne kürdelär häm bezgä mäktäp tözedelär”dide.

”Star” gazetı “Antaliya - dönyada iñ küp keşe kilüçe öçençe şähär” isemle xäbärendä  Antaliya şähär xakimiyäte başlığı Menderes Türälneñ Antaliyanıñ bıyıl Amerika Quşma Ştatlarınıñ New-York şähäre belän bergä dönyada iñ küp keşe kilüçe öçençe şähär buluı turındağı süzlären uquçları belän urtaqlaşa.

 “Sabah” gazetı ”Törkiyägä 3 milliard dollar külämendä investiśiya” isemle xäbärendä İstanbulda 1 nçe êş dönyası häm kapital salu forsatları sammitı uzuın belderä.

Gazet beldergänçä, sammitta 40 tan kübräk ildän 300 gä yaqın çit il investorı, sänäğät’,ênergetika,turizm, tözeleş, saqlanu, alğa kitkän texnologiya ,igençelek häm terlekçelek,sälamätlek saqlaw tarmaqlarınnan 100 dän kübräk cirle investor qatnaştı. Bu yuğarı däräcäle oçraşunıñ 3 milliard dollar külämendä investiśiyäne Törkiyägä cälep itüe kötelä.