TÖREK MATBUĞATINA KÜZÄTÜ 09.10.2018
9nçı oktyabr’ könne çıqqan qayber törek gazetalarına küzätü
“Star” gazetı yazğança, “Ütä kürenmäle köbä belän saqlanu sänäğatendä 560 million dollarlıq yana çor başlanaçaq”
Şaxtadan çığarudan başlap soñğı êşlänmägä qadär yasıy aluçı dön’yanıñ sanawlı şirkätläreneñ berse Êti Alyuminiy barı tik AQŞ, Qıtay, Germaniyä häm Vengriyä şikelle illärdä çığarıluçı ütä kürenmäle köbäne citeşterä başladı. Törek injenerlarınıñ uñışı bulğan bu êşlänmä xärbi köymälär, oçqıçlar, yädrä ütkärmäwçe texnika häm raketalarda qullanıla torğan maxsus alyuminiygä ixtıyacnı kimetäçäk.
“Watan” gazetı “Törkiyägä 100 million dollarlıq investiśiyä” turında yaza.
Qorıç ütkärgeçlär häm küperlär tözüdä êşçänlek alıp baruçı Şveśiyä firması Törkiyä, Yaqın Könçığış häm Tön’yaq Afrika bazarın maqsat itep quyğan 100 million dollarlıq citeşterüne tulısınça Törkiyädä başqaraçaq. ViaKon şirkäte 30 yıldır Awrupada êşçänlek alıp bara. 10ğa yaqın ildä citeşterü ob’yektları bar. Ul Törkiyäne töbäk üzäge yasap yaqınça 50 däwlät belän êlemtädä toraçaq.
“Yaña Şäfaq” gazetı “Ğaräp turistlarnıñ Trabzon iq’tisadına kertkän öleşe” turında yaza.
Farsı qultığı illärennän kilüçe turistlarnıñ Trabzonda urtaça 7,6 kön kiçerüe häm keşe başına 2 meñ 340 dollar totuı açıqlandı. Trabzon säwdä häm sänäğat’ palatası xezmätkärläre sentyabr’dä aêroportta çit ildän kilüçelär arasında soraştıru ütkärgän. Turistlarnıñ 81,5%ı säfärdän bik qanäğat’ buluın beldergän, qalğannar yaxşı häm urtaça dip bäyälägän. Trabzonğa säyäxättän qanäğat’ qalmawçı qunaq oçramağan.
“Sabax” gazetı “Dön’ya yoldızları tarafınnan yuğarı bäyälänüçe “Klaudbreyk”Bodrumda” dip xäbär itä.
Djennifer Lopez, Heydi Klum, Djulia Roberts şikelle dön’yağa tanılğan bik küp şäxes östenlek birüçe “Klaudbreyk” mega yaxtası Muğla töbägeneñ turizm cännäte Bodrumğa yakor’ saldı. Köymäneñ üz boralağı da bar. Anıñ bik yış hawağa kütärelep cirlek östendä tur yasawı küzgä taşlanğan. Yaxtanıñ ber atnalıq arendası 1 million 100 meñ dollar buluı açıqlandı. Dön’yanıñ in qıymmätle 10 yaxtası arasına kergän “Klaudbreyk”ta basseyn, sawna, massaj bülmäse, kinozal häm sport salonı da bar. Yaxtada ber ük waqıtta 40 keşe qalırğa mömkin. Anıñ bäyäse 200 million dollar. Yaxta Kayman utrawları bayrağı yörtä.
