Törek matbuğatına küzätü 03.10.2018

 “Sabah” gazetı” Ärdoğannan möhim belderülär” isemle xäbärendä Törkiyä ilbaşı Räcäp Tayyip Ärdoğannıñ İdlibtä rejim belän oppoziśionerlar arasındağı ışanıçlı imin töbäk qararı belän küpläp üterüneñ häm Törkiyägä küçenü ağımınıñ tuqtalıp qaluı turında äytüen citkerä.

İlbaşı partiyäseneñ Törkiyä Böyek Millät Mäclese törkem cıyılışında yasağan çığışında “Färatnıñ könçığışında terror basıp aluın beterü yulında qararıbız qatğıy” dide.  

”Yäni Şafak” gazetı “Çavuşoğlu Münbiçtän “YPG”ne tulısınça çığaru waqıtı citüen belderde” isemle xäbärendä  Törkiyä tışqı êşlär ministrı Mäwlüt Çavuşoğlunıñ Şveśariyäda ütkärelgän Könbatış Balkan strategik dialog liderlar cıyılışınnan soñ kön tärtibe belän bäyle belderülär yasawı turında yaza.

Xäbärdän kürengänça,Çavuşoğlu “YPG”lelärneñ Münbiçtän tulısınça çığarıluı häm Münbiçne cirle keşelärgä qaldıru ,citäkçelek cähätennän dä, iminlek köçläre tarafınnan da qalduru zamanı citte”dide.  

”Xörriyät” gazetı “Törkiyä belän Rusiya arasında täwge adım” isemle xäbärendä Törkiyäneñ Rusiyädän berençe tapqır Rusiyäneñ cirle aqçası rubl’ belän boday satıp alaçağın xäbär itä.

Gazet yazuınça, Törkiyä Rusiyädän 30 meñ tonna boday alaçaq häm 1 tonnasına 17 meñ rubl’ tüläyäçäk.

”Vatan” gazetı “144 çaqrımlıq divar “ isemle xäbärendä İran – Törkiyä çik buyında tözeleşe däwam itkän 144 çaqrımlıq divarnıñ 88 çaqrımlıq öleşeneñ tämamlanuın belderä.

Xäbärdän kürengänçä,divarnıñ biyeklege urını belän 3 metrğa citä. Töbäktäge êşçänleklär tämamlanğannan soñ Törkiyä İran çik buyında terrorğa häm kontrabandağa “tuqta” dip äytäçäk.

”Star” gazetı ”İlbaşı idaräse simfoniya orkestrı konśet sezonın açıp cibärä” isemle xäbärendä orkestrnıñ 2018-2019 konśert sezonın 4-5 nçe oktyabr’ könnärendä “Truvadan Çanakkalega” isemle äsär belän açıp cibäräçägen uquçıları belän urtaqlaşa.