Törek matbuğatına küzӓtü 15.08.2018

15 avgust könne basılıp çıqqan qayber törek gazetlarına küzätü

Törek matbuğatına küzӓtü 15.08.2018

“Xörriyӓt” gazetı Törkiyӓ ilbaşı Ӓrdoğannıñ Törkiyӓneñ AQŞnıñ êlektron tovarların boykot itӓçӓklӓren ӓytüen yaza.

Xӓbӓrgӓ kürӓ Ӓrdoğan Sayӓsӓt, iqtisad hӓm ictimaği tikşerenülӓr waqıfı SETA tarafınnan ATO Kongresiumda oyıştırılğan “Xaqimiyӓteneñ 16nçı yılında Ğadӓlӓt hӓm qalqınu partiyase simpoziumı”nda AQŞnıñ çiklӓw qararın bӓyӓlӓp, barlıq çaralarnı kürülӓren hӓm kürergӓ dӓwam itӓçӓklӓren citkerde.

“Xӓbӓr türk” gazetı Törkiyӓdӓ cıyılğan tulı wӓqalӓtle ilçelӓr belӓn oçraşqan Törkiyӓ Böyek Millӓt Mӓclese başlığı Binali Yıldırımnıñ tübӓndӓge süzlӓren uquçıları belӓn urtaqlaşa: “Törkiyӓ sӓyӓsi xisaplar belӓn yasalğan iqtisadi terӓtülӓrgӓ qarşı. Törkiyӓ bu krizisqa bireşmiyӓçӓk. Valyuta kursındağı torıqsızlıqlar iqtisad tügel, sӓyӓsӓt arqasında.”

“Vatan” gazetı Qazna hӓm finans ministrı Bӓrat Albayraknıñ irtӓgӓ çit il investorları belӓn telekonferenśiya uzdıraçağın yaza.

Gazet yazuınça Albayrak soñğı iqtisadi tӓraqqıyӓt’lӓrdӓn soñ dönyakülӓm investorlarğa yullama yasayaçaq. Telekonferenśiyadӓ AQŞ, Awrupa hӓm Yaıqn Könçığıştağı investorlar belӓn ber rӓttӓn bar dönyada 750-1000 tirӓse qatnaşuçınıñ buluı kötelӓ.

“Star” gazetı Törkiyӓdӓge tarixi Van nığıtması tirӓ-yağında İstanbul Universitetınıñ Ӓdӓbiyat fakul’tetında dośent, Dr. Ӓrkan Konyar rӓislegendӓge qazu êşçӓnleklӓrendӓ urartular ayaq êzeneñ tabıluın citkerӓ.

Xӓbӓrgӓ kürӓ Konyar 26 cm ozınlıqta hӓm 36nçı razmer buluı raslanğan ayaq êzeneñ tabılğan urınnan kisep, alınuın hӓm laboratoriyadӓ kirӓkle tikşerenülӓrdӓn soñ muzeyğa quyılaçağın ӓytte.



Bäyläneşle xäbärlär